Varun Sandhesh : శేఖర్ ఖమ్ముల దర్శకత్వంలో 2007 సంవత్సరంలో తెలుగు సినిమాకు పరిచయమయ్యాడు వరుణ్ సందేశ్, ‘హ్యాపీ డేస్’ సినిమాలో తమన్నాకు జోడిగా చందు పాత్రలో ఒదిగిపోయాడు. ఆ తరువాత 2008 లో వచ్చిన ‘కొత్త బంగారంలోకం’ సినిమా ద్వారా మరోసారి హిట్ కొట్టాడు. వరుసగా మంచి హిట్స్ అందుకున్న వరుణ్ సందేశ్ కథలను సరిగా ఎంచుకోక పోవడం వల్ల ఆ తరువాత పరాజయాలు చవిచూడాల్సి వచ్చింది. ఇక సినిమా కెరీర్ ను వదిలేసి మళ్ళీ అమెరికా వెళ్లిపోయిన వరుణ్ మళ్ళీ సినిమాల్లోకి రీ ఎంట్రీ ఇచ్చాడు.

మోహన్ బాబు గారు అలాంటి వారు…

వరుణ్ సందేశ్ ‘పడ్డానండి ప్రేమలో మరి’ సినిమాలో కలిసి నటించిన వితికను ప్రేమించి పెళ్లి చేసుకున్నాడు. ఇక సోలో హీరోగానే కాకుండా సహాయక పాత్రలలో కూడా వరుణ్ కనిపించాడు. మోహన్ బాబు ఆయన కుమారులతో కలిసి నటించిన ‘పాండవులు పాండవులు తుమ్మెద’ సినిమాలో వరుణ్ నటించాడు. ఇక ఆ సినిమాతో మోహన్ బాబు గారితో పరిచయమేర్పడి ఆయన గురించి ఆసక్తికర విషయాలు చెప్పారు. వరుణ్ సందేశ్ పెళ్ళి రిసార్ట్ లో చాలా దూరంగా జరగడం వల్ల రానందుకు మోహన్ బాబు గారు స్వయంగా ఆయన స్టాఫ్ తో మరుసటి రోజు పొద్దున్నే ఇంటికి వచ్చి కొత్త జంటకు విష్ చేశారట.

మోహన్ బాబు గారిలాంటి గొప్ప వ్యక్తి అలా రావడం చాలా ఆశ్చర్యానికి గురిచేసిందని వరుణ్ సందేశ్ చెప్పారు. ఇక వరుస హిట్లతో దూసుకుపోయిన వరుణ్ మధ్యలో కథల ఎంపికలో తడబడటం వల్ల ఫ్లాపులను చూసాడు. ఆ సమయంలో కొంచెం సినిమాలకు బ్రేక్ ఇవ్వాలని అనుకుని మళ్ళీ అమెరికా వెళ్లిపోయాడట వరుణ్. ఇక మళ్ళీ సినిమాల్లోకి రావాలా వద్దా అనే కన్ఫ్యూషన్ లో ఉన్నానని అయితే సినిమా మీద ఇష్టం మళ్ళీ లాక్కొచ్చిందంటూ చెప్పారు వరుణ్ సందేశ్.