రైలు కూత మొదలైంది… తెలుగు రాష్టాల్లో ఆగే రైల్వేస్టేషన్స్ ఇవే…!!

రైలు కూత మొదలైంది. ఈరోజు నుంచి 15 ప్రధాన నగరాలకు రైళ్లు నడుపుతుంది రైళ్ల శాఖ. ఇందుకోసం 30 సర్వీసులను నడుపుతోంది. అయితే కరోనా వ్యాప్తి నేపథ్యంలో పలు జాగ్రత్తలు తీసుకుంది. ఈ క్రమంలో ప్రతి కోచ్ లో 72 మంది ప్రయాణికులు మించకుండదు జాగ్రత్తలు తీసుకుంటోంది. న్యూఢిల్లీ నుంచి సికింద్రాబాద్, హౌరా, పాట్నా, బిలాస్ పూర్, దిబ్రూగఢ్, అగర్తలా, రాంచీ, భువనేశ్వర్, చెన్నై, తిరువనంతపురం, బెంగళూరు, మడ్‌గావ్, ముంబై సెంట్రల్, అహ్మదాబాద్, జమ్మూతావీ రైల్వే స్టేషన్లకు ప్రయాణికుల రైళ్లను నడుపుతుంది రైల్వే శాఖ. ఈ నేపథ్యంలో ట్రైన్ చార్జీలు, బయలుదేరే వేళలు, ప్రయాణించే వేళలు అన్ని రాజధాని రైళ్ల నియమాలు వర్తిస్తాయని తెలిపింది. ఏసీ అవసరమైనంత ఉష్ణోగ్రతలో మాత్రమే నడుస్తుందని స్పష్టం చేసింది. మరో వైపు ఏసీ కోచ్ లలో దుప్పట్లు, బెడ్ షీట్లు ఇవ్వబోమని తెలిపింది.

కాగా, తెలుగు రాష్ట్రాలలో ఆగే రైళ్లు వివరాలు ఇప్పుడు తెలుసుకుందాం. ఈరోజు ఢిల్లీ నుంచి బెంగళూర్ వెళ్లే రైలు ఆంద్రప్రదేశ్ లోని గుంతకల్ జంక్షన్, అనంతపురం స్టేషన్లలో మాత్రమే ఆగుతుంది. ఇక అదే రైలు తెలంగాణలో సికింద్రాబాద్ లో మాత్రమే ఆగుతుంది. ఢిల్లీ నుంచి సికింద్రాబాద్ కు ప్రత్యేక రైలు ఉంది. కానీ ఇది కేవలం సికింద్రాబాద్ రైల్వేస్టేషన్ లో మాత్రమే ఆగుతుందని స్పష్టం చేసింది. కాగా, రేపు నడుపనున్న ఢిల్లీ – చెన్నై రైలు మాత్రం ఆంధ్రప్రదేశ్ లోని విజయవాడ రైల్వేస్టేషన్ లో ఆగుతుంది. అదే రైలు తెలంగాణాలో వరంగల్ రైల్వే స్టేషన్ లో మాత్రమే ఆగుతుంది.