John Abraham Attack : బాలీవుడ్ సౌత్ సినిమాల తాకిడికి నలిగిపోతోంది. కేజీఎఫ్ మొదలు నిన్నటి ఆర్ఆర్ఆర్ వరకు బాలీవుడ్ కు కంటిమీద కుంకుమ లేకుండా చేసాయి. సౌత్ సినిమాలకు నార్త్ లో విపరీతమైన క్రేజ్ పెరగడం, బాలీవుడ్ ఇంకా మూస చిత్రాలను వదలకపోవడంతో ఈ పరిస్థితి వచ్చింది.

ఇటీవల విడుదలైన ఆర్ఆర్ఆర్ సినిమా ప్రపంచవ్యాప్తంగా మార్చి 25 న విడుదలయి రికార్డులు సృష్టిస్తోంది. బాలీవుడ్ లో మంచి కలెక్షన్లతో రచ్చ చేస్తోంది. ఇక నేపాల్, ఆస్ట్రేలియా, ఆఫ్రికా, అమెరికాల్లో కూడా ఆర్ఆర్ఆర్ దుమ్ములేపుతోంది.ఇక బాలీవుడ్ లో ఆర్ఆర్ఆర్ దెబ్బకు మిగతా సినిమాల కలెక్షన్లు తగ్గిపోయాయి.

ఎటాక్ కు హార్ట్ ఎటాక్….

ఆర్ఆర్ఆర్ మూవీ విడుదలైన వారం తర్వాత థియేటర్లలో ఎటాక్ మూవీ రిలీజైన సంగతి తెలిసిందే. జాన్ అబ్రహం నటించిన ఎటాక్ తొలిరోజు కలెక్షన్లు ఆయన అభిమానులను సైతం షాక్ కు గురి చేస్తున్నాయి. విడుదలైన రోజు 3 కోట్లు వసూలు చేసిందట జాన్ అబ్రహం ఎటాక్ మూవీ.హిందీలో ఎటాక్ సినిమాను ప్రదర్శిస్తున్న థియేటర్లు ఖాళీగా దర్శనమిస్తుంటే ఆర్ఆర్ఆర్ మూవీ ప్రదర్శిస్తున్న థియేటర్లు మాత్రం ఫుల్ అవుతున్నాయి.

ప్రాంతీయ భాషా చిత్రాల్లో చేయనన్న జాన్ ….

ఇటీవలే జాన్ అబ్రహం సౌత్ సినిమాలను చిన్నచూపు చూస్తూ మాట్లాడిన మాటలు బాగానే వైరల్ అయ్యాయి. ఇక ఇపుడు ఆర్ఆర్ఆర్ దెబ్బకు ఆ సినిమా కలెక్షన్స్ ఘోరంగా పడిపోవడం తో ఎటాక్ సినిమాపై కామెంట్స్ చేస్తున్నారు నెటిజన్లు.