Karthika Deepam : సీరియల్స్ అంటేనే సోది కానీ సోదిలో కూడా మళ్ళీ ట్విస్టులు, ఫ్లాష్ బ్యాక్ లు బాబోయ్ ఎన్ని ఉంటాయో. డైరెక్టర్ కి ఉన్న క్రియేటివిటీ అంతా మనపై రుద్దేస్తున్నట్లు అనిపిస్తుంది. ఇక సీరియల్స్ లోనే టాప్ లో ఉన్న ‘కార్తీక దీపం’ సీరియల్ గురించి ప్రత్యేకంగా చెప్పక్కర్లేదు. సీరియల్ మొత్తం వంటలక్క డాక్టర్ బాబు కాపురం చక్కబడటమే సరిపోయింది. మోనిత వేసిన నిందలు నిజమని నమ్మి డాక్టర్ బాబు, వంటలక్క ను దూరం పెట్టాడు. ఇక నిజం తెలుసుకుని డాక్టర్ బాబు వంటలక్కను కలపడంలోనే సీరియల్ ఏళ్ళు గడిచిపోయింది. ఇక ఇపుడు హమ్మయ్య డాక్టర్ బాబు, వంటలక్క కలిసి పోయారని అనుకునేలోపే వాళ్ళ క్యారెక్టర్స్ ని చంపేశాడు డైరెక్టర్.
మళ్ళీ సీరియల్ లోకి వచ్చిన దీప, మోనిత, కార్తీక్…
ప్రస్తుతం కార్తీక దీపం సీరియల్ లో కొత్త తరం వచ్చారు. కార్తీక్, దీపల పిల్లలు శౌర్య, హిమలు పెద్ద వాళ్ళు అయిపోయారు. ఇక వారి జీవితంలో సాగే విషయాలను డైరెక్టర్ చూపిస్నితాడని అనుకుంటే మళ్ళీ కార్తీక్ దీప క్యారెక్టర్లను బతికించాడు. ఇక కోమాలో నుండి బయటికి వచ్చిన దీప వెంటనే డాక్టర్ బాబు, మోనిత అందరిని చూపించేసాడు డైరెక్టర్. ఇక మళ్ళీ దీపక్క కష్టాలు మొదలు మోనిత నుండి డాక్టర్ బాబు ని కాపాడుకోవడం మళ్ళీ ఒక నాలుగేళ్లు సాగుతుందనిపిస్తోంది. అయితే ఇపుడు ఈ సీరియల్ విషయంలో కొత్త ట్విస్టు ఉండబోతోంది అంటూ ప్రచారం జరుగుతోంది.
అదేంటి అంటే అన్ని సీరియల్స్ లోనూ కామన్ గానే నాలుగైదు ఎపిసోడ్లు సీరియల్ లో వాళ్ళు కలలో బతికేస్తారు చివరికి మెలకువ వస్తే సీరియల్ అక్కడే ఉంటుంది. అలానే ఇపుడు కార్తీక దీపం సీరియల్ లో కూడా డాక్టర్ బాబు, వంటలక్క చనిపోవడం మళ్ళీ రావడం అన్నీ కలగా చూపిస్తారు అంటూ చెప్తున్నారు. అదే నిజమైతే సీరియల్ మీద సీరియల్ అభిమానులు ఖచ్చితంగా సీరియస్ అవుతారేమో. అయినా ఏమో చెప్పలేము ఇప్పటికీ మళ్ళీ దీప కార్తీక్ లు సీరియల్ లో కనిపిస్తున్నారని హ్యాపీ గా ఉన్న ఫ్యాన్స్ దీన్ని కూడా ఒప్పుకుంటారేమో. రేటింగ్స్ వస్తున్నాయి కదా అని సీరియల్ సాగతీసి ఏమి చెప్పినా జనాలు ఊకోడతారా…