Kona Venkat : తెలుగు సినిమా రైటర్, ప్రొడ్యూసర్ గా గుర్తింపు తెచ్చుకున్న కోన వెంకట్ తన పంచ్ డైలాగులకు బాగా ఫేమస్. దూకుడు, అదుర్స్, అల్లుడు శీను వంటి సినిమాల ద్వారా మంచి గుర్తింపు తెచ్చుకున్నాడు. కెరీర్ మొదట్లో హిందీ సినిమాలకు డబ్బింగ్ రైటర్ గా పనిచేసిన కోన వెంకట్ దాదాపు 50 సినిమాలకు పనిచేసాడు. ఇటీవలే తాను సినిమాల్లోకి వచ్చి ఇరవై ఏళ్ళు గడిచిపోయిన సందర్బంగా సెలెబ్రేట్ చేసుకున్నారు. ఇక శీను వైట్ల, కోన వెంకట్ జోడి సినిమాల్లో మంచి హిట్లు అందుకున్నారు. కానీ వాళ్ళ మధ్య విబేధాలు రావడంతో ఇద్దరూ మళ్ళీ కలిసి పనిచేయలేదు.
శీను వైట్లలో మరో వ్యక్తి బయటికి వస్తే అంతా నేనే అంటాడు…
‘దూకుడు’ సినిమా పూర్తవుతున్న సమయంలోనే ఆగడు గురించి చర్చ మొదలయింది. ఆ సమయంలో దూకుడు సినిమా కోసం అందరం కష్టపడితే అందరితో మాత్రం తానే అన్ని చేసుకున్నట్లు శీను వైట్ల చెప్పుకున్నాడు. ప్రొడ్యూసర్లు మరి ఇంకా వాళ్ళు ఎందుకు అని మా గురించి మాట్లాడారు. ఇక ఆ ఇష్యూ తరువాత అన్ని తానే చేసుకుంటున్నపుడు మేమెందుకు అని వచ్చేసాం. గుర్తింపు లేని చోట పని చేయలేము అంటూ చెప్పారు కోన వెంకట్. అనిల్ రావిపూడి అపుడు మాతోనే ఉన్నాడు.
అతను మాత్రం ఏం చేస్తాడు చెప్పి చూసాడు కానీ శీను వినలేదు. అనిల్ మాకు బాగా క్లోజ్ నేను అనిల్ రావిపూడి, బాబీ అందరం సినిమాల గురించి చర్చ ఎక్కువగా చేసే వాళ్ళం, నాతో బాబీ ఉండేవాడు అంటూ కోన చెప్పారు. కోన తాను నటుడుగా కూడా ‘ఎందుకంటే ప్రేమంటే’ సినిమాలో నటించాడు. గతంలో శీను వైట్ల అలా చేసాడు అంటూ చెప్పి ఇపుడు వాటి గురించి మాట్లాడటం వల్ల వచ్చేదేమీ లేదు అంటూ చెప్పారు.