సినీ ఇండస్ట్రీలోనే కాదు ఎక్కడైనా అపోహలు, గాసిప్ లు అనేవి పుడుతూనే ఉంటాయి. వాడు ఇలా.. వీడు అలా అంటూ మన స్నేహితులు కూడా మాట్లాడుతుంటారు. అయితే సినిమాలో ఈ గాసిప్ లు, అపోహలు అనేవి ఎక్కువగా ఉంటాయి. దీనిపై కోట శ్రీనివాసరావు ఇలా స్పందించారు. అపోహల గురించి మీరు నమ్ముతారా.. మీకు ఎప్పైడైనా అనుభవం అయిందా అంటూ ఓ విలేకరి అడిగిన ప్రశ్నకు అతడు ఇలా సమాధానం ఇచ్చారు. ఎన్నో అపోహలను, గాసిప్ లు విన్నానని అన్నారు. అయిన తనకు అవకాశాలు ఏనాడు పోలేదని.. తనకు ఉన్న ట్యాలెంట్ తోనే ముందుకుసాగానని అన్నారు.

తన దగ్గర 50 నుంచి 60 మంది లేడీ అర్టిస్టులు పని చేశారని.. కానీ ఎవరికీ ఎలాంటి ఫోన్ కూడా చేయలేదని అన్నారు. పిచ్చి పిచ్చి వేశాలు వేయడం అనేది నా కెరీర్ లోనే లేదని అన్నారు. కొంతమంది క్యారెక్టర్ ఆర్టిస్టులకు క్యాస్టింగ్ కౌచ్ గురించి లేవనెత్తిన విషయంపై ఆయన స్పందిస్తూ.. ఎదో ఎక్కడో ఉండే ఉంటాయి అని ఆయన అన్నారు. పుకార్లకు ఎక్కడ చోటు ఉండదు.. ఎక్కడైనా పుడుతూనే ఉంటాయని.. పెద్దపెద్ద సినీ నటులపైనే పుకార్లు షికార్లు అయ్యాయని అన్నారు.

మా ఎలక్షన్లలకు సంబంధించి మంచు విష్ణు తన సొంత డబ్బులతో బిల్డింగ్ కట్టిస్తానని మాట్లాడిన విషయం తెలిసిందే. దీనిపై కోట శ్రీనివాసరావు మాట్లాడుతూ.. సొంత డబ్బులు ఎవరి దగ్గర ఉండవు.. సూపర్ స్టార్ కృష్ట దగ్గర లేవా, చిరంజీవి వద్ద లేవా.. వాళ్ల కట్టలేకనా.. అంటూ సమాధానం ఇచ్చారు. అంతే కాకుండా బిల్డింగ్ కట్టడం వల్ల ఉపయోగం ఎవరికైనా ఉందా.. ఆర్టిస్టులు వెళ్లి ఏమైనా అందులో ఉంటారా అంటూ ఘాటుగా సమాధానం ఇచ్చారు.

ఫుడ్ లేక చాలామంది ఇబ్బందులు పడుతుంటే.. బిల్డింగ్ కట్టడం వల్ల ఉపయోగం లేదన్నారు. నెలలో కనీసం 10 నుంచి 15 రోజుల వరకు ఆర్టిస్టులకు పని దొరికే విధంగా అవకాశం ఇవ్వండంటూ వారిని కోరారు కోట శ్రీనివాసరావు. మనం బాగుండాలి.. అందరూ బాగుండాలి అనేదే తాను ఎప్పుడూ కోరుకుంటానని అన్నారు.