Kubera Twitter Review : ‘కుబేర’ ట్విట్టర్ రివ్యూ..! నాగార్జున, ధనుష్ కలిసి హిట్ కొట్టారా?

Kubera Twitter Review : శేఖర్ కమ్ముల దర్శకత్వంలో వచ్చిన ‘కుబేర’ సినిమా తాజాగా అమెరికాలో ప్రీమియర్ షోల ద్వారా ఆడియన్స్ ముందుకు వచ్చింది. కింగ్ నాగార్జున, కోలీవుడ్ స్టార్ ధనుష్ కలిసి నటించడంతో సినిమా మీద భారీ అంచనాలు ఉన్నాయి. ఇక సినిమా చూసినవాళ్లు ట్విట్టర్‌లో ఏమంటున్నారు? ఆ ట్వీట్లు చూస్తే హిట్టు అనిపిస్తోంది.

ధనుష్ గురించి హైప్ :
ప్రీమియర్స్ చూసినవాళ్ల నుంచి మొదట వినిపించే ప్రశంసలు మాత్రం ధనుష్‌కి సంబంధించినవే. బిచ్చగాడిగా కనిపించినా, ప్రభుత్వాన్ని ఢీ కొట్టే దృఢమైన వ్యక్తిగా ధనుష్ అదరగొట్టేశాడట. “ఇలాంటి రోల్‌కి ఇండియాలో ధనుష్‌ తప్ప ఇంకెవ్వరూ న్యాయం చేయలేరు” అంటున్నారు. ఆయన నటన చూసి ఒక మెట్టు ఎక్కాడని పేర్కొంటున్నారు.

నాగార్జునకు ఇది కంబ్యాక్ మూవీనా?
తాజాగా విజయాల కోసం ఎదురు చూస్తున్న నాగార్జునకు ఇది పెద్ద హిట్ అవుతుందని నమ్మకం వ్యక్తం చేస్తున్నారు అభిమానులు. CBI ఆఫీసర్ దీపక్ పాత్రలో ఆయన చాలా స్ట్రాంగ్‌గా కనిపించారని, సహజంగా నటించారని ప్రశంసిస్తున్నారు. కెరీర్‌లో ఇది యూనిక్ రోల్‌గా నిలుస్తుందట.

రష్మిక, సంగీతం, ఎమోషన్ – సినిమాకు బలమైన అస్త్రాలు:
రష్మిక తన పాత్రకు పూర్తి న్యాయం చేసిందని, దేవి శ్రీ ప్రసాద్ సంగీతం సినిమాకు మేజర్ హైలైట్‌గా నిలుస్తుందని పాజిటివ్ టాక్ వినిపిస్తోంది. ఇంటర్వెల్ తర్వాత వచ్చే కొన్ని ఎమోషనల్ సీన్లు ఆడియన్స్‌ని తడిపేశాయట. “ఈ సీన్ల కోసమే సినిమా మరోసారి చూడొచ్చు” అంటున్నారు కొంత మంది.

నెగటివ్‌ పాయింట్స్ ఏంటంటే..
సినిమా ఆరంభంలో కొద్దిగా నెమ్మదిగా సాగుతుందని ట్వీట్లు చెబుతున్నాయి. కానీ ధనుష్ ఎంట్రీ తర్వాతే సినిమా స్పీడ్ పెరిగిందని, కథ ఒక్క లైన్‌ను నమ్ముకొని నిజాయతీగా తీసిన చిత్రం అనిపించిందని చెబుతున్నారు.

మొత్తం మీద…
‘కుబేర’ సినిమా ప్రీమియర్ షోల తర్వాత సోషల్ మీడియాలో వస్తున్న ఫీడ్‌బ్యాక్ చూస్తే ఇది శేఖర్ కమ్ములకు ఒక స్ట్రాంగ్ కంబ్యాక్ మూవీగా చెప్పొచ్చు. నాగార్జున, ధనుష్ నటనలకు అభిమానులు ఫిదా అయిపోతున్నారు. కథనంగా కూడా మంచి ఎమోషనల్ డెప్త్ ఉన్న సినిమా అన్న టాక్ రావడమే సినిమాకు ప్లస్.

అందరూ చెప్పేది ఒక్కటే: “ఇది ధనుష్‌ష్ షో… కానీ నాగ్ కూడా తగ్గేదే లే!”