Megastar Chiranjeevi : సెలబ్రిటీస్ అంటే మామూలుగా ఉంటుందా.. వారు వేసే బట్టల నుండి పెట్టే వాచ్ ల వరకు అన్నీ బ్రాండెడ్ అందులోనూ ఖరీదైనవి ఉంటాయి. ముఖ్యంగా కుర్ర హీరోలు వాడే గాడ్జెట్స్ అలాగే వాచ్ లను నెట్ లో వెతికి మరీ యూత్ అంత కాస్ట్లీనా అంటూ చర్చించుకోవడం మామూలే. ఇక మన తెలుగు హీరోలు ఇందుకు మినహాయింపు కాదు. కార్లు అలాగే బైకుల దగ్గర నుండి గాడ్జెట్స్ వరకు కాస్ట్లీ అందులోనూ బ్రాండెడ్ తో దర్శనిమిస్తుంటారు. ఇక తెలుగు హీరోల్లో కార్ల మోజు అనగానే నాగచైతన్య, రామ్ చరణ్, బన్నీ, ఎన్టీఆర్ గుర్తొస్తారు. అయితే ఈసారి మాత్రం కొత్త కారు కొని దాని రిజిస్టర్ నెంబర్ కోసం లక్షలు ఖర్చు చేసి మెగాస్టార్ వార్తల్లో నిలిచారు.

వెల్ఫైర్ కారు కొన్న చిరు…

చిరు దగ్గర ఎన్నో మోడల్ కార్స్ ఉన్నాయి. అందులోనూ కొడుకు రామ్ చరణ్ తన తండ్రికి ప్రేమగా రోల్స్ రాయిస్ కారును కూడా గిఫ్ట్ ఇచ్చారు. అయితే కొత్తగా చిరు మళ్ళీ కారు కొన్నారు. కోటికి పైనే ఖరీదు ఉన్న టొయోటా వెల్ఫైర్ కారును కొన్నారు. అయితే అందులో ఏముంది విశేషం అంటారా. కారు ధర ఏమో కానీ కారు రిజిస్ట్రేషన్ కోసం ఫ్యాన్సీ నుంబర్ కోసం మాతం అక్షరాలా 5 లక్షలు ఖర్చు చేసారు.

1111 ఫ్యాన్సీ నెంబర్ కోసం ఆయన అంత డబ్బు ఖర్చు చేశారట. టిఎస్ 09 జిబి 1111 రిజిస్ట్రేషన్ కోసం లక్షల్లో ఖర్చు చేసారు మెగాస్టార్. ఇక ఈయనే కాదు జూనియర్ ఎన్టీఆర్ కూడా వెల్ఫైర్ కారునే ప్రస్తుతం వాడుతున్నారు. మంచి ఫీచర్స్ ఉండటంతోనే ఈ కారు కొనుగోలు చేస్తుండగా ఎన్టీఆర్ కూడా 9 నెంబర్ కోసం లక్షలు ఖర్చు చేశారు.