Mohan Babu: సినీ నటుడు మోహన్ బాబు గురించి చెప్పాల్సిన పనిలేదు సీనియర్ నటుడిగా ఇండస్ట్రీలో విలన్ పాత్రలలోనూ క్యారెక్టర్ ఆర్టిస్ట్ గాను నిర్మాతగాను మెప్పించినటువంటి మోహన్ బాబు ప్రస్తుతం సినిమాలలో నటిస్తూనే మరోవైపు తన యూనివర్సిటీ బాధ్యతలను కూడా ఎంతో చక్కగా నిర్వర్తిస్తున్నారు. వృత్తిపరంగా.ఎంతో బిజీగా ఉన్నటువంటి మోహన్ బాబు తాజాగా కులాల గురించి సంచలన వ్యాఖ్యలు చేశారు.
ఆగస్టు 15వ తేదీ స్వాతంత్ర దినోత్సవాన్ని పురస్కరించుకొని మోహన్ బాబు యూనివర్సిటీలో జెండా ఎగరవేసిన అనంతరం ఈయన తన గ్రామంలో ఉన్నటువంటి రైతులతో తన యూనివర్సిటీలో 100 మొక్కలను నాటించి ఈ కార్యక్రమాన్ని విజయవంతం చేశారు.ఇలా స్వాతంత్ర దినోత్సవాన్ని పురస్కరించుకొని మోహన్ బాబు కులాల గురించి మాట్లాడుతూ సంచలన వ్యాఖ్యలు చేశారు.
తనకు కులాల విభేదాలు అంటే చాలా అసహ్యమని ఈయన తెలియజేశారు. ఒకప్పుడు కులమత బేధాలు ఉన్నప్పటికీ ప్రతి ఒక్కరు కూడా ఎంతో ఆప్యాయంగా వరుస పెట్టి పిన్ని బాబాయ్ అక్క మామ అంటూ చాలా ఆప్యాయంగా పలకరించుకునేవారు కానీ ప్రస్తుతం ఇలాంటి సందర్భాలు ఎక్కడా లేవని ప్రతి ఒక్కరు కులం పేరుతో దూషిస్తున్నారని ఈయన తెలిపారు.
Mohan Babu: కులం పేరుతో దూషిస్తున్నారు…
చిన్నప్పుడు నా స్నేహితుడిని ఒకరు అంటరాని వాడు అంటే తాను కోపంతో చెప్పు తీసుకొని కొడతా అని వార్నింగ్ ఇచ్చానని తెలిపారు. ఇలా కులాలతో దూషించడం నాశనానికి కారణమని అందుకే తనకు కులాలు అంటే అసహ్యం అంటూ మోహన్ బాబు చేసిన ఈ కామెంట్స్ వైరల్ అవుతున్నాయి.