Naresh : నరేష్, పవిత్ర లోకేష్ వీరిద్దరు ఇపుడు మీడియాలో హాట్ టాపిక్, వీళ్లిద్దరూ పెళ్లి చేసుకోబోతున్నారు అంటూ మీడియా కోడై కుస్తోంది. అయితే క్లారిటీ మాత్రం వీళ్లిదరూ ఇవ్వడం లేదు. అయితే పరోక్షంగా నరేష్ ఓపెన్ అయ్యారు. పెళ్లి గురించి తన అభిప్రాయాలను పంచుకున్నారు. ఇక ఇపుడు నరేష్ చెప్పిన విషయాలు కూడా బాగా వైరల్ అవుతున్నాయి.
ఎంత మానసిక క్షోభ అనుభవిస్తే మరో పెళ్లి గురించి ఆలోచిస్తారు…
ఇక రీసెంట్ గా ఒక ఛానెల్ కి ఇచ్చిన ఇంటర్వ్యూలో నరేష్ పెళ్లి గురించి మాట్లాడారు. పవన్ కళ్యాణ్, మీరు ఇండస్ట్రీలో ఇలా ఇన్ని పెళ్లిళ్లు చేసుకున్నారు కదా అనే ప్రశ్న రాగా మరొకరి గురించి మాట్లాడే అర్హత నాకు లేదు అలాగే మాట్లాడటం ఇష్టం లేదు. పెళ్లి అయ్యాక ఎంత మానసిక క్షోభ అనుభవిస్తే మరో పెళ్లి చేసుకోవాలని ఆలోచిస్తారు. ఒక ఆర్టిస్ట్ జీవితం చాలా కష్టతరంగా ఉంటుంది. సమయం అంటూ ఉండదు, ఒక ఉద్యోగికి ఖచ్చితంగా పని వేళలు ఉంటాయి కానీ ఒక నటుడికి అలాంటివి ఉండవు. ఈ విషయాన్ని అర్థం చేసుకుని సాగే వాళ్ళు నాతో ఉంటారు, అలా ఉండని వాళ్ళు నాతో ఉండరు. సినిమాలంటే పిచ్చి సినిమా నే నా మొదటి పెళ్ళాం అంటూ కామెంట్స్ చేసారు, పరోక్షంగా తన మూడు పెళ్లిళ్ల ముచ్చట చెప్పారు.
సెలబ్రిటీలు ఎక్కువగా విడాకులు, మళ్ళీ పెళ్లిళ్ల వైపు వెళ్తున్నారు అనే ప్రశ్న రాగా.. సెలబ్రిటీలు కనిపిస్తారు కాబట్టి వాళ్ళ వ్యక్తిగత జీవితంలో జరిగేవి కనిపిస్తాయి. బయట సాధారణ జనాలవి కనిపించవు అంతే అన్నారు. ఇప్పటి కాలానికి పెళ్లి వ్యవస్థ పనికిరాదు. ఎంతో ఆర్భాటంగా పెళ్లి చేసుకున్నా నెలకే విడాకుల కోసం వెళ్తున్నారు. ముఖ్యంగా పెళ్లి చేసుకున్న ఇద్దరూ సంపాదిస్తుండడం, ఎవరూ ఇంకొకరిపై ఆధారపడక పోవడం, సర్దుకుపోయే మనస్తత్వం లేకపోవడం, ఇద్దరూ సమానమే అంటూ ఎవరి స్వేచ్ఛ వారికి కావాలని భావిస్తారు. దీనివల్ల ఎంత త్వరగా పెళ్లి చేసుకుంటున్నారో అంతే త్వరగా వీడిపోవాలని అనుకుంటున్నారు. మనసుకు కష్టంగా ఉన్నా ఇప్పటి కాలానికి పెళ్లి వ్యవస్థ పనికిరాదు అంటూ కామెంట్స్ చేసారు. అలా పరోక్షంగా పవిత్ర లోకేష్ తో పెళ్లి చేసుకోబోతున్నట్లు హింట్ ఇచ్చేసారు నరేష్.