Nookaraju : ఈటీవీలో వచ్చే జబర్దస్త్ ఎంత పాపులర్ అయ్యిందో ఈటీవీ ప్లస్ లో వచ్చే పటాస్ స్టాండ్ అప్ కామెడీ షో కూడా అంతే ఫేమస్ అయింది. ఫైమా, ప్రవీణ్, నూకరాజు, ఆసియా వంటివారికి మంచి గుర్తింపునిచ్చింది. అయితే పటాస్ ఆగిపోయాక కొంతమంది జబర్దస్త్ కి రాగా మరి కొంత మంది కనుమరుగయ్యారు. ఇక పటాస్ షో సమయంలోనే ఫైమా, ప్రవీణ్ మధ్య ప్రేమ చిగురించింది. ఇక ఆ ప్రోగ్రామ్ అప్పుడే ఆసియా, నూకరాజు మధ్య కూడా ప్రేమ చిగురించినా ఎవరికీ తెలియదు.
ఆసియా కాళ్ళు పట్టుకున్న నూకరాజు…
శ్రీదేవి డ్రామా కంపెనీలో కూడా జబర్దస్త్ కమెడియన్స్ స్కిట్స్ చేస్తూ సందడి చేస్తున్నారు. ఇక నూకరాజు, ఆసియా, శాంతి కుమార్ లు కలిసి స్కిట్స్ చేసారు. ఈ స్కిట్స్ లో ప్రేమ, పరువు హత్య కాన్సెప్ట్ తో అందరిని ఎమోషనల్ చేసారు. నిజంగా ప్రేమికులే అన్నట్టుగా నటించారు నూకరాజు, ఆసియా. ఇక స్కిట్ అయ్యాక రామ్ ప్రసాద్ నిజంగా ప్రేమికుల లాగా చేసారు అనగా, ఆది నిజంగా ప్రేమికులు ఏంటి నిజమైన ప్రేమికులే చెప్పలేదా అంటూ నూకరాజు ను చూసి అంటాడు. చెబితే అందరూ నవ్వుతారని చెప్పలేదు అని నూకరాజు అంటే ఆది, రామ్ ప్రసాద్ ఇద్దరు చెప్పు పర్వాలేదు అంటారు. ఇక నూకరాజు చేతిలో ఉన్న మైకుని ఆసియాకి ఇచ్చి ఆమె కాళ్ళ మీద పడి క్షమాపణలు అడుగుతాడు.
అక్కడ చూస్తున్న అందరూ షాక్ అవ్వగా, నూకరాజు మాట్లాడుతూ మళ్ళీ మనం వీడిపోయి దూరం అయ్యే రోజు రాకూడదని కోరుకుంటున్నాను అని, నాకోసం ఆసియా అన్ని వదిలేసుకుంది అంటూ ఎమోషనల్ అవుతాడు నూకరాజు. ఇక ఆసియా కూడా ఎమోషనల్ అయిపోయింది. మళ్ళీ నువ్విలా నా కాళ్ళు పట్టుకునే రోజు రాకూడదని, మన మధ్య గొడవ జరగకూడదని కోరుకుంటున్నాను అని చెబుతుంది. ఇక నూకరాజు ఎమోషనల్ గా ఆసియా అంటే నాకు పిచ్చి ప్రేమ, పెళ్లి చేసుకోమంటే ఇప్పుడే స్టేజి మీద చేసేసుకుంటా అంటూ వాళ్ళ ప్రేమను అందరికి చెప్పి ఎమోషనల్ అయ్యారు.