Pavan kalyan @ Instagram : సోషల్ మీడియా ఇపుడిది సామాన్య జనంకే కాదు పేరుమోసిన సెలబ్రిటీలకు అవసరమైన మాధ్యమం. తమకు నచ్చినవారితో నిరంతరం టచ్ లో ఉండటానికి మనకున్న టాలెంట్ ను ప్రపంచానికి చూపించడానికి సామాజిక మాధ్యమాలు ఉంపయోగపడుతాయి. అయితే నేటి సెలబ్రిటీలకు తమ అభినులకు మరింత చేరువవడానికి ఇది మంచి సాధనంగా మారిపోయింది. ఏదైనా ఒక విషయాన్ని ఎక్కువ మందికి వ్యాపింపజేయాలంటే సోషల్ మీడియా ప్లాట్ఫార్మ్స్ కంటే గొప్ప మాధ్యమం లేదు. అందుకు నేడు సినిమా తరాల నుండి రాజకీయ నాయకుల వరకు అందరూ ఇంస్టాగ్రామ్, యూట్యూబ్, ఫేసుబుక్, ట్విట్టర్ అంటూ అన్నింటా ఖాతాలను పెట్టుకుని ఫ్యాన్స్ తో టచ్ లో ఉంటున్నారు. అదీ కాక ఇక్కడ ఎంత ఎక్కువ మంది ఫాలోయర్స్ ఉంటే అంత డబ్బు కూడా వస్తుంది. ఇది మరో ప్లస్ పాయింట్. తాజాగా పవర్ స్టార్ పవన్ కళ్యాణ్ కూడా తన ఇన్స్టగ్రామ్ అకౌంట్ ను ఓపన్ చేసారు.

నిమిషాల్లో లక్షల్లో ఫాలోయర్స్… అలాగే ఫేక్ అకౌంట్స్…

జులై 4వ తేదీన ఇంస్టాగ్రామ్ లోకి ఎంట్రీ ఇచ్చారు పవన్ కళ్యాణ్. అయితే ఆయన ఒక్క పోస్ట్ కూడా పెట్టకుండానే ఆయన అడుగుపెట్టారో లేదో జనసైనికులు, ఆయన అభిమానులు ఆయనను ఫాలో అయ్యారు. దాదాపు మూడు లక్షల మంది ఫాలోయర్స్ గంటల వ్యవధిలోనే ఫాలో అయిపోయారు. అది పవన్ కళ్యాణ్ గారి ఫాలోయింగ్ అంటూ జనసైనికులు కాలర్ ఎగరేస్తున్నారు.

సినిమాల్లో పవన్ కళ్యాణ్ కి ఉన్నంత ఫ్యాన్ బేస్ మరే హీరోకి లేదు. ఇది మరోసారి ఇంస్టాగ్రామ్ ఫాలోయర్స్ ద్వారా రుజువయింది. అయితే కొంతమంది ఈ అభిమానాన్ని కాష్ చేసుకోడానికి పవన్ కళ్యాణ్ పేరిట ఫేక్ అకౌంట్స్ పెట్టి ఫాలోయర్స్ ను సంపాదించుకుంటున్నారు. ఒరిజినల్ పవన్ అకౌంట్ కి బ్లూ టిక్ కూడా ఇచ్చారు ఇన్స్టగ్రామ్ వాళ్ళు. అయితే ఈ ఫేక్ అకౌంట్స్ కూడా లక్షల్లో ఫాలోయర్స్ ఉండటం ఆశ్చర్యకరం.