Dil Raju: కొడుకుతోపాటు చిన్న పిల్లాడిగా మారిపోయిన దిల్ రాజు… వైరల్ అవుతున్న బర్త్ డే వీడియో!

Dil Raju: తెలుగు సినిమా ఇండస్ట్రీలో నిర్మాతగా ఎంతో మంచి గుర్తింపు సంపాదించుకున్నటువంటి దిల్ రాజు ఇప్పటివరకు తన నిర్మాణ సంస్థలో 50 సినిమాలను నిర్మించారు.ఇలా నిర్మాతగా ఇండస్ట్రీలో ఎంతో మంచి సక్సెస్ అందుకున్నటువంటి ఈయన ప్రస్తుతం భారీ బడ్జెట్ పాన్ ఇండియా సినిమాలను నిర్మిస్తూ ఎంతో బిజీగా ఉన్నారు. ఇక ఈయన వ్యక్తిగత విషయానికి వస్తే దిల్ రాజు మొదటి భార్య అనిత మరణించిన సంగతి మనకు తెలిసిందే.

ఈ దంపతులకు కుమార్తె హన్షిత రెడ్డి ప్రస్తుతం నిర్మాతగా ఇండస్ట్రీలో స్థిరపడ్డారు. తనకు ఇద్దరు సంతానం కూడా కలరు.అయితే తన భార్య అనిత మరణించడంతో తన కుమార్తె స్వయంగా తన తండ్రికి రెండో వివాహం చేశారు. వైగా రెడ్డి అనే అమ్మాయితో దిల్ రాజుకు రెండో వివాహం జరిపించారు. ఈ దంపతులకు ఓ కుమారుడు కూడా జన్మించారు. తన కుమారుడికి ఇద్దరు భార్యల పేర్లు కలిసి వచ్చేలా అన్వయ్ రెడ్డి అనే నామకరణం చేశారు.

ఇక ఈ బాబుకి ఏడాది పూర్తి కావడంతో దిల్ రాజు తన కొడుకు పుట్టినరోజు వేడుకలను ఎంతో అంగరంగ వైభవంగా జరిపించారు. ఈ పుట్టిన రోజు వేడుకల కోసం సెలబ్రిటీలు అందరిని ఆహ్వానించి ఘనంగా పార్టీ ఇచ్చారు.అయితే బర్తడే కన్నా ముందుగా దిల్ రాజు తన కుమారుడి కోసం ప్రత్యేకంగా ఫోటోషూట్ చేయించారు. ఈ క్రమంలోని ఇందుకు సంబంధించిన వీడియోని కూడా విడుదల చేశారు.

Dil Raju: ఘనంగా అన్వయ్ పుట్టినరోజు వేడుకలు…

ఈ వీడియోలో దిల్ రాజు కుటుంబ సభ్యులందరూ కలిసి చాలా సంతోషంగా ఆటపాటలతో తమ కొడుకుతో కలిసి ఆడుకున్నారు. ఇక తన కొడుకు కోసం దిల్ రాజు ఏకంగా చిన్నపిల్లాడిలా మారిపోయి తనని ఆడిస్తున్నారు. ప్రత్యేకంగా ఈ సాంగ్ కి థమన్ సంగీతం అందించగా కార్తీక్ పాడాడు. ప్రస్తుతం ఈ వీడియో సోషల్ మీడియాలో వైరల్ గా మారింది.