అల్లు అర్జున్ మొట్టమొదటిసారిగా పాన్ ఇండియా స్థాయిలో నడుస్తున్నటువంటి “పుష్ప” సినిమాకు సంబంధించిన ఫస్ట్ సింగిల్ బయటకు వచ్చింది. ఆగస్టు 13వ తేదీ ఉదయం “దాక్కో దాక్కో మేక”అనే పాటను విడుదల చేశారు. ప్రస్తుతం ఈ పాట యూట్యూబ్లో ట్రెండ్ అవుతుంది. ఈ పాటలో అల్లు అర్జున్ తన నటనా విశ్వరూపాన్ని చూపించారు.
ఒకేసారి 5 భాషలలో ఐదు మంది సింగర్స్ చేత పాడిన ఈ పాట ప్రస్తుతం సోషల్ మీడియాలో వైరల్ అవుతుంది. ఇక తెలుగులో శివం అనే సింగర్ ఈ పాటను ఎంతో అద్భుతంగా పాడారు. అయితే ఈ పాట పై కాంట్రవర్సి హీరోయిన్ పూనమ్ కౌర్ స్పందిస్తూ… తనదైన శైలిలో కామెంట్ చేశారు.ప్రస్తుతం పూనమ్ చేసిన కామెంట్ సోషల్ మీడియాలో వైరల్ గా మారింది.
సోషల్ మీడియా వేదికగా పూనమ్ కౌర్ చేసే కామెంట్లు పలు వివాదాలకు కారణం అవుతాయన్న సంగతి మనకు తెలిసిందే. అదేవిధంగా ఈ మెగా హీరోలపై కామెంట్ చేయడం కొత్తేమీ కాదు.అసలు ఈమె కామెంట్ చేస్తే ఎవరిని ఉద్దేశించి చేస్తుందో కూడా అర్థం కాకుండా కామెంట్లు చేయడం ఈమెకే చెల్లుతుంది. ఈ క్రమంలోనే పుష్ప ఫస్ట్ సింగిల్ పై కూడా తనదైన శైలిలో కామెంట్ చేశారు.
ఈ క్రమంలోనే పుష్ప ఫస్ట్ సింగిల్ పై స్పందించిన పూనమ్ బన్నీని ప్రశంసలతో ముంచెత్తారు.బన్నీ లుక్, యాటిట్యూడ్, అతని నటనకు ఫిదా అయినట్టు కనిపిస్తోంది. హార్డ్ వర్క్ అంటే ఇదే అంటూ పుష్ప ఫస్ట్ సింగిల్ పై పూనం ట్వీట్ చేయడంతో ఈ ట్వీట్ కాస్త సోషల్ మీడియాలో వైరల్ అవుతుంది.