Senior Actress Kasthuri : తెలుగు, తమిళ, కన్నడ భాషలలో నటించిన కస్తూరి అందరికీ సుపరిచితమే. ఇక సినిమాల తరువాత బిగ్ బాస్ తమిళ్ లో పాల్గొని మళ్ళీ ప్రేక్షకులకు దగ్గరైంది. ఇక అప్పుడప్పడు టీవీ షోలలో గెస్ట్ గా వచ్చి అలరిస్తున్న కస్తూరి మా టీవిలో వచ్చే ఇంటింటి గృహలక్ష్మి సీరియల్ ద్వారా బుల్లితెర అభిమానులకు పరిచయం. సీరియల్ లవర్స్ చాలా మంది ఇష్టపడుతున్న సీరియల్ ఇంటింటి గృహలక్ష్మి. ఇక కస్తూరి ఆ సీరియల్ లో తులసిగా మెయిన్ లీడ్ లో నటించింది. ఆ సీరియల్ ద్వారా మంచి పేరు తెచ్చుకుంది. ఇక తన సినిమా కెరీర్ గురించి మాట్లాడిన కస్తూరి శంకర్ తెలుగులో తన అభిమాన హీరోల గురించి మాట్లాడారు.

ఎన్టీఆర్ కష్టపడి పైకి వచ్చాడు…

కస్తూరి తనకు నచ్చిన హీరోల గురించి చెబుతూ తెలుగులో తనకు ఎన్టీఆర్ అలాగే విజయ దేవరకొండ బాగా ఇష్టం అంటూ చెప్పారు. ఇద్దరూ వేర్వేరు కారణాల వల్ల బాగా ఇష్టం అంటూ చెప్పారు. ఎన్టీఆర్ వర్సటైల్ యాక్టర్ అంటూ చెప్పారు. ఎలాంటి పాత్ర అయినా సరే ఎన్టీఆర్ చేయగలడు అంటూ కితబిచ్చారు. నటన, డాన్స్ విషయంలో ఎన్టీఆర్ సూపర్ అంటూ చెప్పిన ఆమె అదీ కాక ఎన్టీఆర్ కష్టపడి పైకి వచ్చాడని, ఫ్యామిలీ సపోర్ట్ లేకపోయినా నేడు నేమ్, ఫేమ్ సంపాదించాడని తెలిపారు.

నందమూరి ఇంటి వారసుడైనా నందమూరి కుటుంబం ఎన్టీఆర్ ను దూరం పెట్టిన విషయం అందరికీ తెలిసిందే. అయితే తన టాలెంట్ తో పైకి వచ్చి మళ్ళీ అదే కుటుంబం తనను దగ్గర తీసుకునేలా చేసుకున్నాడు ఎన్టీఆర్. ఇక కస్తూరి విజయ్ దేవరకొండ అన్నా కూడా చాలా ఇష్టమని తాను సెల్ఫ్ మేడ్ హీరో అంటూ చెప్పారు. తాను ఒక గ్రీకు శిల్పం లాగా ఉంటాడంటూ చెప్పారు. తన స్టైల్, నటన అన్నీ బాగా నచ్చుతాయంటూ చెప్పారు.