Super star Krishna : మహేష్ బాబు నటించిన సర్కారు వారి పాట సినిమా విడుదలయిన రోజు నుండి మంచి టాక్ తో దూసుకుపోతుంది. సినిమాపై మొదటి రోజు మిశ్రమ స్పందన వచ్చినా ఆ తరువాత మాత్రం సినిమా మంచి కలెక్షన్స్ రాబడుతోంది. మహేష్ బాబు కీర్తీ సురేష్ జంటగా నటించిన ఈ సినిమాను పరుశురామ్ దర్శకత్వం వహించాడు. ఇక సినిమాలో థమన్ మ్యూజిక్ అలరించింది. సముద్రఖని యాక్టింగ్ అదనపు ఆకర్షణగా నిలిచింది.

ఇక సినిమా గురించి మహేష్ బాబు తండ్రి సూపర్ స్టార్ కృష్ణ స్పందించారు. ఒక యూట్యూబ్ ఛానల్ తో మాట్లాడుతూ సినిమా విజయం సాధించడం ఆనందంగా ఉందన్నారు. ఫ్యామిలీ మొత్తం చూడదగ్గ సినిమాగా వర్ణించారు. సినిమా చూసాక మంచి సినిమా చూశామనే అనుభూతి ప్రేక్షకులకు కలుగుతుందని అన్నారు. ఇక ఒక ఛానల్ పనిగట్టుకుని సినిమాపై చెడు ప్రచారం చేసిందని చెప్పారు. ఇక కృష్ణ చెప్పింది మొన్నా మధ్య మహేష్ ఫ్యాన్స్ బాగా ట్రోల్ చేసిన టీవీ 9 ఛానల్ గురించేనేమో అని అందరూ అనుకుంటున్నారు.

ఇక విజయోత్సవాన్ని కర్నూల్ పట్టణంలో ఘనంగా నిర్వహించారు చిత్రబృందం. ఇక ఈ వేడుకకు ప్రధాన ఆకర్షణగా మహేష్ నిలిచారు. సాధారణంగా వేదికపై ఎక్కువగా మాట్లాడటానికి కానీ ఇష్టపడని మహేష్ స్వచ్చందంగా వేదికపై డాన్సర్లు, మ్యూజిక్ డైరెక్టర్ థమన్ తో కలిసి స్టెప్పులేసారు. మహేష్ ఇలా ఎంత జోష్ తో స్టెప్పులేయడం మొదటిసారి. ఇక అభిమానులు ఈ స్టెప్పులకు ఫుల్ రచ్చ చేస్తున్నారు