Allu Aravind: తెలుగు సినిమా ఇండస్ట్రీలో అల్లు కుటుంబానికి ఎలాంటి క్రేజ్ ఉందో మనకు తెలిసిందే. అల్లు రామలింగయ్య హాస్యనటుడుగా ఇండస్ట్రీలో కొన్ని దశాబ్దాల పాటు వందల సినిమాలలో నటించి ఎంతో పేరు ప్రఖ్యాతలు పొందారు.ఇక ఈయన వారసుడిగా గీత ఆర్ట్స్ బ్యానర్ స్థాపించి తన కుమారుడు అల్లు అరవింద్ ను ఇండస్ట్రీకి నిర్మాతగా పరిచయం చేశారు. ఇక అల్లు అరవింద్ నిర్మాతగా ఎన్నో అద్భుతమైన సినిమాలను ప్రేక్షకులకు పరిచయం చేశారు.
ఇకపోతే తాజాగా అల్లు అరవింద్ బాలకృష్ణ వ్యాఖ్యాతగా వ్యవహరిస్తున్నటువంటి అన్ స్టాపబుల్ కార్యక్రమానికి ముఖ్య అతిథిగా హాజరయ్యారు. ఈ కార్యక్రమానికి రాఘవేంద్రరావుతో పాటు సురేష్ బాబు వంటి వారు కూడా హాజరయ్యారు.ఇక ఈ కార్యక్రమంలో భాగంగా బాలకృష్ణ రాఘవేంద్రరావు గారిని ప్రశ్నిస్తూ అల్లు రామలింగయ్య గారు రామానాయుడు గారి,మా తండ్రి గారితో మీకు ఎంతో మంచి అనుబంధం ఉంది వారి గురించి ఏవైనా కొన్ని విషయాలు చెప్పండి అని ప్రశ్నించారు.
రాఘవేంద్రరావు సమాధానం చెబుతూ అల్లు రామలింగయ్య గారు నిత్యం అల్లు అరవింద్ ను తిడుతూ ఉండేవారని చెప్పారు.ఆయన నటనపై మక్కువతో వయసు పైబడిన నటించేవారు. అయితే ఒకరోజు అల్లు అరవింద్ నా వద్దకు వచ్చి ఇది మా ఫ్యామిలీ మేటర్ దయచేసి మా నాన్నకు మీరు వేషాలు ఇవ్వద్దు అని చెప్పారు.అల్లు అరవింద్ వెళ్లిన కాసేపటికి రామలింగయ్య గారు వచ్చి ఏదైనా వేషం ఉందా అని అడిగితే లేదని చెప్పాను.
Allu Aravind:
ఈ మాట విన్న తర్వాత రామలింగయ్య గారు నా కొడుకు మీ వద్దకు వచ్చారు కదా నాకు తెలుసు వాడే నాకు వేషాలు ఇవ్వద్దని చెప్పి ఉంటాడు అంటూ అల్లు అరవింద్ ను బాగా తిట్టేవారని ఈ సందర్భంగా అప్పటి విషయాలను రాఘవేంద్రరావు ఈ కార్యక్రమం ద్వారా బయటపెట్టారు. ప్రస్తుతం రాఘవేంద్రరావు అల్లు అరవింద్ అల్లు రామలింగయ్య గురించి చేసిన ఈ కామెంట్స్ వైరల్ అవుతున్నాయి.
