మనలో చాలామంది వ్యాపారం ద్వారా నెలకు లక్షల్లో సంపాదించాలని అనుకుంటూ ఉంటారు. తక్కువ సమయంలో తక్కువ పెట్టుబడి పెట్టి ఎక్కువ ఆదాయం సంపాదించేలా ప్రణాళికలు రూపొందించుకుంటూ ఉంటారు. అయితే అలాంటి ఆలోచనలు ఉన్నవాళ్లు పౌల్ట్రీ బిజినెస్ ను ప్రారంభించడం ద్వారా ప్రతి నెలా లక్షల రూపాయల ఆదాయం పొందవచ్చు. ఈ బిజినెస్ ను ప్రారంభించడానికి ఎక్కువ మొత్తంలో పెట్టుబడి కూడా అవసరం లేదు.

దేశంలో రోజురోజుకు గుడ్ల వినియోగం పెరుగుతోంది. కరోనా విజృంభణ వల్ల లాక్ డౌన్ అమలైన సమయంలో దేశంలో గుడ్ల వినియోగం రెట్టింపైంది. అందువల్ల ప్రస్తుతం పౌల్ట్రీ ఫార్మింగ్ బిజినెస్ ద్వారా తక్కువ సమయంలో తక్కువ పెట్టుబడితో ఎక్కువ ఆదాయాన్ని సొంతం చేసుకోవచ్చు. అయితే ఈ బిజినెస్ ను ప్రారంభించాలంటే పౌల్ట్రీ రంగంపై కనీస అవగాహన ఉండాలి. మన పెట్టుబడిని బట్టి బిజినెస్ ను ప్రారంభించడానికి అవసరమైన స్థలం ఉండాలి.

పౌల్ట్రీ బిజినెస్ ను ప్రారంభిస్తే రెండు రకాలుగా ఆదాయం పొందే అవకాశం ఉంటుంది. ఎగ్స్ ప్రొడక్షన్, బాయిలర్ బ్రీడింగ్ లాంటి విషయాల గురించి అవగాహనను పెంపొందించుకుని ఈ బిజినెస్ ను ప్రారంభించవచ్చు. కేంద్రం నుంచి బ్రాయిలర్ ప్లస్ స్కీమ్ ద్వారా ఈ బిజినెస్ కు సంబంధించిన పూర్తి వివరాలను తెలుసుకోవచ్చు. ఈ బిజినెస్ చేయాలని భావించే వాళ్లకు కొన్ని బ్యాంకులు రుణ సదుపాయం కల్పిస్తున్నాయి.

ఈ బిజినెస్ కు అయ్యే ఖర్చులో 75 నుంచి 80 శాతం బ్యాంకుల నుంచి రుణంగా పొందే అవకాశం ఉంటుంది. దేశీయ బ్యాంకింగ్ దిగ్గజం స్టేట్ బ్యాంక్ ఆఫ్ ఇండియాతో పాటు కొన్ని బ్యాంకులు పౌల్ట్రీ బిజినెస్ కు రుణాలు ఇస్తున్నాయి. బిజినెస్ పై ఆసక్తి ఉన్నవాళ్లు బ్యాంకును సంప్రదించి రుణం పొందే అవకాశం ఉంటుంది.