నందన్ దర్శకత్వంలో తెరకెక్కనున్న సినిమా ‘మైల్స్ ఆఫ్ లవ్’. ఈ సినిమాలో హుషారు ఫేమ్ అభినవ్ మేడిశెట్టి, రమ్య పసుపులేటి నటీనటులుగా నటించారు. ఈ సినిమాను కామ్రేడ్ ఫిలిం ఫ్యాక్టరీ బ్యానర్ పై రాజిరెడ్డి నిర్మించాడు. ఇక ఈ సినిమాకు ఆర్ఆర్ ధ్రువన్ సంగీతాన్ని అందించాడు. ఇదిలా ఉంటే తాజాగా ఈ సినిమా టీజర్ టాలీవుడ్ హీరో శ్రీ విష్ణు చేతులమీదుగా విడుదలయ్యింది.
ప్రస్తుతం ఈ టీజర్ ప్రేక్షకులను బాగా ఆకట్టుకుంది. ఇప్పటికే ఇందులో పలు పాటలు కూడా విడుదల అయిన సంగతి తెలిసిందే. అందులో తెలియదే పాట మాత్రం యూట్యూబ్ లో బాగా హల్ చల్ చేస్తుంది. ఇక ఈ సినిమా మంచి ప్రేమ కథ నేపథ్యంలో తెరకెక్కనుంది. టీజర్ లో మాత్రం డైలాగ్స్ బాగా ఆకట్టుకున్నాయి. ఇందులో కొన్ని సన్నివేశాలు బాగా రిచ్ గా కనిపించాయి.
ఇక శ్రీ విష్ణు ఈ సినిమా గురించి కొన్ని విషయాలు పంచుకున్నాడు. ఈ టీజర్ తనకు బాగా నచ్చిందని తెలిపాడు. హీరో అభినవ్ అందంగా ఉన్నాడని ఇక ఈ సినిమా ప్రతి ఒక్కరికి మంచి సక్సెస్ ఇవ్వాలని కోరుకుంటున్నానని తెలిపాడు. త్వరలోనే ఈ సినిమా విడుదలకు సిద్ధంగా ఉందని అందరూ ఈ సినిమాను తప్పకుండా చూడాలని తెలిపాడు శ్రీ విష్ణు. ఇక ఈ టీజర్ ను చూసిన ప్రేక్షకులు కూడా బాగా లైకులు చేస్తున్నారు.