NTR Fans: తెలుగు సినిమా ఇండస్ట్రీలో జూనియర్ ఎన్టీఆర్ కి ఎలాంటి క్రేజ్ ఉందో మనకు తెలిసిందే. తెలుగు సినిమా ఇండస్ట్రీలో ఎంతో పేరు ప్రఖ్యాతలు సంపాదించుకున్నటువంటి ఈయన RRR సినిమా ద్వారా గ్లోబల్ స్టార్ గా గుర్తింపు పొందారు. ఈ సినిమా తరువాత ఈయన చేసే సినిమాలన్నీ కూడా పాన్ ఇండియా స్థాయిలో ప్రేక్షకుల ముందుకు రానున్నాయి.
ఇక ఎన్టీఆర్ కు ఈ సినిమా తర్వాత పాన్ ఇండియా స్థాయిలో కూడా అభిమానులు పెరిగిపోయారు. ఎన్టీఆర్ సినిమాలు వస్తున్నాయి అంటే అభిమానులు చేసే రచ్చ మామూలుగా ఉండదు. తాజాగా ఈయన పుట్టినరోజు సందర్భంగా అభిమానులు ఎన్టీఆర్ పుట్టినరోజు వేడుకలను ఎంతో ఘనంగా నిర్వహించారు. ఇక ఎన్టీఆర్ పుట్టినరోజు సందర్భంగా సింహాద్రి సినిమాని విడుదల చేశారు.
ఈ సినిమా విడుదల సందర్భంగా అభిమానులు కాస్త అత్యుత్సాహం కనబరిచారు. లండన్ లోని ఓ థియేటర్లో ఏకంగా క్రాకర్స్ కాల్చడంతో థియేటర్లో పెద్ద ఎత్తున మంటలు వ్యాపించిన విషయం మనకు తెలిసిందే.అదే విధంగా కృష్ణా జిల్లా మచిలీ పట్నంలోని సిరివెంకట్, సిరికృష్ణ అనే 2 థియేటర్ వద్ద అభిమానులు రెండు మేకలను వేట కొడవళ్లతో నరికి వాటి రక్తాన్ని తారక్ ఫ్లెక్సీపై చిందించారు.
NTR Fans: మేకలను బలిచ్చిన ఫ్యాన్స్…
ఇందుకు సంబంధించిన ఈ వీడియో సోషల్ మీడియాలో వైరల్ గా మారింది. ఈ వీడియో పోలీసుల కంట పడటంతో ఏకంగా తొమ్మిది మంది ఎన్టీఆర్ అభిమానులను అరెస్టు చేశారు. మారణాయుధాలు వినియోగించి, ప్రజల్ని భయభ్రాంతులకు గురి చేశారంటూ అభిమానులను అరెస్టు చేశారు. ఈ ఘటనపై స్పందించిన పలువురు హీరోలు అంటే అభిమానం ఉండాలి కానీ మరి ఇంత అత్యుత్సాహం చూపించకూడదు అంటూ కామెంట్లు చేస్తున్నారు.
Koratala Shiva: ఆర్ఆర్ఆర్ తర్వాత ఎన్టీఆర్ హీరోగా కొరటాల శివ దర్శకత్వంలో రూపొందుతున్న చిత్రం ఎన్టీఆర్ 30. ఎంతోకాలంగా ఈ సినిమా కోసం ప్రేక్షకులు ఎదురుచూస్తున్నారు. ఈ సినిమా తరచూ వాయిదా పడుతూ రావటంతో ఆలస్యం అవుతూనే ఉంది. ఇటీవల ఈ సినిమా రెగ్యులర్ షూటింగ్ ప్రారంభం అయ్యింది. అయితే తాజాగా ఈ సినిమా గురించి ఎన్టీఆర్ అభిమానులు కొరటాల శివ మీద ఆగ్రహం వ్యక్తం చేస్తున్నారు.
ఆర్ ఆర్ ఆర్ తర్వాత ఎన్టీఆర్ నటిస్తున్న ఈ సినిమా పాన్ ఇండియా రేంజ్ లో విడుదల చేయటానికి సన్నాహాలు చేస్తున్నారు. అయితే పాన్ ఇండియా రేంజ్ లో తెరకేక్కిస్తున్న సినిమాలలో నటించడానికి గొప్ప గొప్ప నటీనటులను తీసుకోవటానికి దర్శకులు ఆసక్తి చూపుతారు. కానీ కొరటాల మాత్రం వాటికి విరుద్ధంగా సీరియల్ నటీనటులను ఈ సినిమాలో భాగస్వాములను చేస్తున్నట్లు తెలుస్తోంది.
ఎన్టీఆర్ 30 సినిమాలో ప్రముఖ బాలీవుడ్ నటుడు సైఫ్ అలీ ఖాన్ ప్రతి నాయకుడి పాత్రలో నటిస్తున్న సంగతి అందరికీ తెలిసిందే. అయితే సైఫ్ అలీ ఖాన్ కి భార్యగా సీరియల్ నటి చైత్ర నటిస్తున్నట్లు ఆమె ఇటీవల సోషల్ మీడియా ద్వారా వెల్లడించింది..అయితే ఈ విషయం తెలియటంతో ప్రతిష్టాత్మకంగా రూపొందుతున్న ఎన్టీఆర్ 30 లో సీరియల్ నటినటులు ఏమిటా అని అభిమానులు అసహనం వ్యక్తం చేశారు. ఇక తాజాగా మరొక సీరియల్ నటి ఎన్టీఆర్ 30లో నటిస్తున్నట్లు తెలుస్తోంది.
Koratala Shiva: అసలేం చేస్తున్నావ్ కొరటాల…
కొన్ని సినిమాలలో హీరోయిన్గా నటించి ఆ తర్వాత క్యారెక్టర్ ఆర్టిస్ట్ గా సపోర్టింగ్ రోల్స్ లో నటించిన మని చందన ఈ సినిమాలో జాన్వి కపూర్ తల్లి పాత్రలో నటిస్తున్నట్లు వార్త బయటకు వచ్చింది. ప్రస్తుతం ఆమె తెలుగు కన్నడ తమిళ్ భాషలలో సీరియల్స్ లో నటిస్తూ బిజీగా ఉంది. అయితే ఈ వార్త బయటికి రావటంతో నువ్వు సినిమా తీస్తున్నావా? లేక సీరియల్ తీస్తున్నావా? అంటూ ఎన్టీఆర్ అభిమానులు కొరటాలపై విరుచుకుపడుతున్నారు.
Aadi Movie: ప్రస్తుతం టాలీవుడ్ ఇండస్ట్రీలో హీరోల బ్లాక్ బస్టర్ సినిమాలు రీ రిలీజ్ కావడం ట్రెండ్ అవుతుంది. ఇప్పటికే మహేష్ బాబు నటించిన పోకిరి పవన్ కళ్యాణ్ జల్సా, చెన్నకేశవరెడ్డి వంటి సినిమాలు తిరిగి విడుదలై భారీ కలెక్షన్లను రాబట్టాయి. ఇక ఎన్టీఆర్ వంతు వచ్చింది.ఎన్టీఆర్ హీరోగా నటించిన ఆది సినిమా తిరిగి విడుదల చేయడానికి అన్ని ఏర్పాట్లు చేస్తున్నారు.
ఎన్టీఆర్ సినీ కెరియర్లో ఆది సినిమా ఎలాంటి రికార్డులు సృష్టించిందో మనకు తెలిసిందే. అతి చిన్న వయసులోనే హీరోగా ఎంట్రీ ఇచ్చిన ఎన్టీఆర్ ఆది సినిమా ద్వారా బ్లాక్ బస్టర్ హిట్టయ్యింది.ఇక ఇదే సినిమాతోనే డైరెక్టర్ గా వివి వినాయక్ ఇండస్ట్రీకి పరిచయమయ్యారు. ఇలా మొదటి సినిమాతోనే బ్లాక్ బస్టర్ కొట్టడంతో ఆయన కూడా ఇండస్ట్రీలో ఎంతో మంచి పేరు సంపాదించుకున్నారు.
ఈ సినిమాలో ఎన్టీఆర్ తొడగొట్టడం అమ్మతోడు అడ్డంగా నరుకుతా అనే డైలాగులు అప్పట్లో సూపర్ హిట్ అందుకున్నాయి. ఇకపోతే ఎన్టీఆర్ కెరియర్లో బ్లాక్ బాస్టర్ గా నిలిచిన ఈ సినిమాని తిరిగి విడుదల చేయడానికి అన్ని ఏర్పాట్లు చేస్తున్నారు. ఇక ఈ సినిమా నవంబర్ మూడవ వారంలో థియేటర్లో విడుదల కానుందనే విషయం తెలుస్తుంది.
Aadi Movie: కలెక్షన్లు సునామీ రావడం గ్యారెంటీ..
ఇక ఈ విషయానికి సంబంధించిన అధికారిక ప్రకటన త్వరలోనే వెల్లడించనున్నారు. ఇక ఈ సినిమాలో ఎన్టీఆర్ సరసన కీర్తి చావ్లా హీరోయిన్ గా నటించారు.ఇక ఆది సినిమా విడుదల కాబోతుందని తెలియడంతో ఎన్టీఆర్ అభిమానులు ఎంతో సంతోషం వ్యక్తం చేస్తున్నారు. అప్పట్లోనే బ్లాక్ బస్టర్ అయినటువంటి ఈ సినిమా తిరిగి సరికొత్త రికార్డులు సృష్టిస్తుందనడంలో ఎలాంటి సందేహం వ్యక్తం చేయాల్సిన పనిలేదు. మరి ఈ సినిమా ఎప్పుడు విడుదలవుతుందా అని అభిమానులు కూడా ఎదురుచూస్తున్నారు.
Ameesha Patel: బాలీవుడ్ నటి అమీషా పటేల్ గురించి తెలుగు ప్రేక్షకులకు పరిచయం అవసరం లేదు తెలుగులో ఈమె బద్రి నాని నరసింహుడు వంటి సినిమాలలో నటించారు.ఈమె తెలుగులో నటించినది కొన్ని సినిమాలే అయినా ఈమెకు హిట్ ఇచ్చినది మాత్రం బద్రి సినిమా అని చెప్పాలి. ఇలా తెలుగులో నటించిన ఈమె అనంతరం తెలుగు తెరకు దూరమయ్యారు.
ఇకపోతే తాజాగా నటి అమీషా పటేల్ ఎన్టీఆర్ గురించి ట్విట్టర్ వేదికగా ఒక ట్వీట్ చేశారు.2005 బి.గోపాల్ దర్శకత్వంలో ఎన్టీఆర్ అమీషా పటేల్ సమీరారెడ్డి కాంబినేషన్లు నరసింహుడు అనే సినిమా ప్రేక్షకుల ముందుకు వచ్చింది. ఈ సినిమా అప్పట్లో డిజాస్టర్ సొంతం చేసుకుంది.ఇకపోతే తాజాగా అమీషా పటేల్ ఈ సినిమాలో ఎన్టీఆర్ తో కలిసి ఉన్నటువంటి ఒక రొమాంటిక్ ఫోటో ట్విట్టర్ వేదికగా షేర్ చేశారు.
ఇలా ఈ ఫోటోని షేర్ చేస్తూ ఎన్టీఆర్ గురించి ఎంతో గొప్పగా చెప్పారు. ఎన్టీఆర్ అప్పట్లో సూపర్ సార్ ఇప్పుడు పాన్ ఇండియా స్టార్.ఇలా పాన్ ఇండియా స్థాయిలో ఈయన ఎంతోమంది అభిమానులను సొంతం చేసుకోవడం చాలా సంతోషంగా ఉంది. తారక్ లవ్లీ కో స్టార్… హార్డ్ వర్క్ స్టార్ అంటూ తన గురించి పెద్ద ఎత్తున ప్రశంసలు కురిపిస్తూ ట్వీట్ చేశారు.
Ameesha Patel: కొంచెం చూసుకోవాలి కదా మేడం…
ఈ విధంగా ఈమె ట్రీట్ చేస్తూ ఎన్టీఆర్ కు ట్యాగ్ చేయకుండా వేరే ఖాతాకు ట్యాగ్ చేశారు.ఇలా రెండుసార్లు ఈమె తప్పుగా ట్యాగ్ చేయడంతో ఎన్టీఆర్ అభిమానులు ఈమెను ట్రోల్ చేయడం మొదలుపెట్టారు. ఎన్టీఆర్ గురించి ఎంతో గొప్పగా చెప్పారు అయితే ఒకసారి చూసుకోవాలి కదా ఎవరికీ ట్యాగ్ చేశారో అంటూ నటి అమీషా పటేల్ పై ట్రోల్ చేస్తున్నారు. మొత్తానికి ఎన్టీఆర్ గురించి గొప్పగా చెప్పిన చిన్న తప్పు వల్ల ట్రోలింగ్ కి గురయ్యారు.
Top Telugu website in the world | Telugu Gossips | Breaking News Headlines, Latest Andhra News, Telangana News, India News, World News – Telugudesk.net
