Vijay Devarakonda: పూరి జగన్నాథ్ విజయ్ దేవరకొండ కాంబినేషన్ లో వచ్చిన మొట్టమొదటి పాన్ ఇండియా చిత్రం లైగర్.ఈ సినిమా ఎన్నో అంచనాల నడుమ ఆగస్టు 25వ తేదీ ప్రేక్షకుల ముందుకు వచ్చింది ఇక ఈ సినిమా బాక్స్ ఆఫీస్ వద్ద డిజాస్టర్ గా నిలిచింది.ఇకపోతే ఈ సినిమా షూటింగ్ సమయంలో పూరీ జగన్నాథ్ విజయ్ దేవరకొండ మధ్య ఎంతో మంచి అనుబంధం ఏర్పడింది. అయితే ఈ సినిమా డిజాస్టర్ కావడంతో విజయ్ దేవరకొండ పూరీను పూర్తిగా దూరం పెట్టినట్టు తెలుస్తుంది.
ప్రస్తుతం విజయ్ దేవరకొండ పూరి జగన్నాథ్ ఫోన్ కాల్స్ అటెంప్ట్ చేయడానికి కూడా ఇష్టపడటం లేదని తెలుస్తోంది.ఇకపోతే పూరీ జగన్నాథ్ విజయ్ దేవరకొండ మధ్య రిలేషన్ కట్ కావడానికి లైగర్ సినిమానే కారణమని ప్రత్యేకంగా చెప్పాల్సిన పనిలేదు. ఇక ఈ సినిమా కోసం విజయ్ దేవరకొండకు పూరి జగన్నాథ్ ఇవ్వాల్సిన రెమ్యూనరేషన్ కూడా ఇవ్వలేదట.
ఇకపోతే వీరిద్దరి కాంబినేషన్ లో ప్రేక్షకుల ముందుకు రావాల్సిన జనగణమన సినిమా కూడా ఆగిపోయిందని తెలుస్తోంది. లైగర్ సినిమా ఫ్లాప్ కావడంతో విజయ్ దేవరకొండ జనగణమన సినిమా నుంచి కూడా తప్పుకున్నారని సమాచారం. ఈ క్రమంలోనే పూరి జగన్నాథ్ తన డ్రీం ప్రాజెక్టును బాలీవుడ్ హీరో తో చేయాలని భావిస్తున్నట్లు తెలుస్తోంది.
Vijay Devarakonda: బాలీవుడ్ హీరోతో జనగణమన…
పూరి డ్రీమ్ ప్రాజెక్ట్ గురించి వస్తున్న ఈ వార్తలలో ఎంతవరకు నిజమందో తెలియదు కానీ ప్రస్తుతం విజయ్ దేవరకొండ ఖుషి సినిమా షూటింగ్ లో వచ్చే నెల నుంచి బిజీ కానున్నారు. ఈ సినిమా అనంతరం విజయ్ దేవరకొండ గౌతమ్ తిన్ననూరి దర్శకత్వంలో చేయనున్నట్టు సమాచారం.గౌతమ్ తిన్ననూరి రామ్ చరణ్ కోసం సిద్ధం చేసుకున్నారట అయితే అదే కథతో విజయ్ దేవరకొండతో సినిమా చేయనున్నట్లు తెలుస్తోంది.