ప్రస్తుత కాలంలో పెరుగుతున్న కాలుష్యానికి ఉష్ణోగ్రత తీవ్రత చాలా ఎక్కువగా ఉంది. వేసవి కాలంలో అయితే ఉష్ణోగ్రత గురించి చెప్పనక్కర్లేదు. ఆ వేడికి ఫ్యాన్, కూలర్లు పనికి రావడం లేదు. ఉష్ణోగ్రత ఎక్కువగా ఉండటం వల్ల మన శరీరం నుండి చెమట ఎక్కువగా వస్తుంది. అందరి శరీరం తీరు ఒకే విధంగా ఉండదు. కొందరికి చలి కాలంలో కూడా చిన్న పని చేసిన చెమట పడుతుంది. అలాంటిది వేసవికాలంలో అయితే వారి బాధ వర్ణనాతీతం.

మన శరీరం నుండి వచ్చే చెమట వల్ల దుర్వాసన వస్తుంది. చాలామంది ఇది దుర్వాసనను నియంత్రించడానికి పౌడర్ రాసుకోవడం లేదా ఈమధ్య ఆడ, మగ చిన్న ,పెద్ద అని తేడా లేకుండా పర్ఫ్యూమ్స్ వాడుతున్నారు. ఇలా వాటిని వాడటం వల్ల దుర్వాసనను నియంత్రించవచ్చు అనుకుంటే పొరపాటే. అవి కొద్ది సేపు మాత్రమే చెమటవాసన రాకుండా చేస్తాయి.

పౌడర్ , పర్ఫ్యూమ్ కాకుండా ఇంటిలో కూడా చెమట వాసన రాకుండా కొన్ని చిట్కాలను వాడవచ్చు. ఇప్పుడు మనం ఆ చిట్కాల గురించి తెలుసుకుందాం. ముఖ్యంగా వేసవికాలంలో ఉదయం సాయంత్రం తప్పనిసరిగా స్నానం చేయాలి. ఎండాకాలంలో కాటన్ దుస్తులు ధరించడం వల్ల అవి చెమటను పీల్చుకుని చెమట వాసన రాకుండా కాపాడుతాయి.

ప్రతిరోజు స్నానం చేసేటప్పుడు ఆ నీటిలో ఒకటి లేదా రెండు టమాటా పండ్ల రసాన్ని కలుపుకొని స్నానం చేయడం వల్ల శరీర దుర్వాసన నుండి విముక్తి పొందవచ్చు. అలాగే స్నానం చేసేటప్పుడు వేడి నీటిలో పుదీనా ఆకులు వేసి కొద్దిసేపటి తర్వాత స్నానం చేస్తే చర్మం తాజాగా ఉండి దుర్వాసన రానివ్వదు.

నిమ్మకాయలో ఎన్నో ఆంటీ బ్యాక్టీరియల్ లక్షణాలు ఉంటాయి. నిమ్మకాయ రసాన్ని రోజు వేడి నీటిలో కలుపుకొని తాగడం వల్ల అనేక సీజనల్ వ్యాధులు రాకుండా నివారిస్తుంది. నిమ్మరసం ఆరోగ్యానికి మాత్రమే కాకుండా చెమట నుండి దుర్వాసన రాకుండా కాపాడుతుంది. ఈ విధమైనటువంటి చిట్కాలు పాటించడం వల్ల శరీరం నుంచి దుర్వాసన రాదు.