Sreeja Konidela: చిరంజీవి చిన్న కుమార్తె శ్రీజ కొణిదెల గురించి ప్రత్యేకంగా పరిచయం చేయాల్సిన అవసరం లేదు. చిరంజీవి కుమార్తెగా అందరికీ పరిచయమైన శ్రీజ ఆమె వ్యక్తిగత విషయాల వల్ల బాగా పాపులర్ అయ్యింది. ముఖ్యంగా శ్రీజ పెళ్ళి, విడాకుల విషయాల వల్ల తరచూ వార్తల్లో నిలుస్తూ ఉంటుంది. ఇండస్ట్రీలో ఎంతో పేరు ప్రఖ్యాతలు కలిగిన మెగా కుటుంబానికి చెందిన శ్రీజ అతి చిన్న వయసులోనే ఒక వ్యక్తిని ప్రేమించి, పెద్దలను ఎదిరించి ఇంటి నుండి పారిపోయి మరి వివాహం చేసుకుంది.

అతనితో సంతోషంగా ఉంటూ ఒక బిడ్డ పుట్టిన తర్వాత ఇద్దరి మధ్య మనస్పర్ధలు రావడం వల్ల శ్రీజ తన మొదటి భర్తకు విడాకులు ఇచ్చి దూరం అయింది. ఆ తర్వాత కొంతకాలానికి కళ్యాణ్ దేవ్ అనే వ్యక్తిని కుటుంబ సభ్యుల ఆమోదంతో అందరి సమక్షంలో ఘనంగా వివాహం చేసుకుంది. అయితే ఒక పాప పుట్టిన తర్వాత కళ్యాణ్ దేవత కూడా శ్రీజ కి విభేదాలు రావటంతో ఒకరికొకరు దూరంగా ఉంటున్నారు. రెండవ భర్తతో కూడా శ్రీజ విడాకులు తీసుకున్నట్లు చాలా కాలంగా వార్తలు వైరల్ అవుతున్నాయి. అంతేకాకుండా శ్రీజ మూడవ పెళ్లి చేసుకోవడానికి కూడా సిద్ధపడినట్లు సమాచారం.

ఇదిలా ఉండగా సోషల్ మీడియాలో ఎప్పుడూ యాక్టివ్ గా ఉండే శ్రీజ ప్రతి విషయాన్ని సోషల్ మీడియాలో షేర్ చేస్తూ ఉంటుంది. ఈ క్రమంలో ఇటీవల శ్రీజ షేర్ చేసిన ఒక పోస్ట్ వైరల్ గా మారింది. గతంలో కూడా న్యూ ఇయర్ సందర్భంగా శ్రీజ తన కొత్త జీవితం ప్రారంభించబోతున్నానంటూ పోస్ట్ చేయటంతో ఆ వార్తలు తెగ చక్కర్లు కొట్టాయి. అంతే కాకుండా ఆ వార్తల వల్ల శ్రీజ మూడో పెళ్లికి సిద్ధమైందని అందరూ భావించారు.

Sreeja Konidela: కాఫీ పై ప్రేమను చూపిన శ్రీజ…

తనతో తాను ప్రేమలో పడినట్లు శ్రీజ తర్వాత క్లారిటీ ఇచ్చింది. ఇక తాజాగా కాఫీ పట్ల తనకు ఎంత ఇష్టం ఉందో ఈ పోస్ట్ ద్వారా తెలియజేసింది. “నా అల్లరికి ప్రశాంతతను ఇచ్చేది నువ్వే.. చీకటి నిండిన జీవితంలో వెలుగులు నింపేది నువ్వే… నేను ఉదయమే నిద్రలేస్తున్నానంటే అందుకు కారణం నువ్వే.
నా 14 ఏళ్ల వయసులో నువ్వు (కాఫీ) నాకు పరిచయం అయ్యావు. అప్పటినుంచి నాతోనే ఉంటున్నావు. థాంక్యూ సో మచ్ మై డియర్ కాఫీ ” అంటూ కాఫీ పై తనకి ఉన్న ప్రేమను తెలియజేస్తూ పోస్ట్ చేసింది. ప్రస్తుతం ఈ పోస్ట్ వైరల్ గా మారింది.