Thottempudi Venu : తొట్టెంపూడి వేణు… స్వయంవరం సినిమా ద్వారా తెలుగు ప్రేక్షకులకు పరిచయమయ్యి అభిమానులను సంపాదించుకున్నాడు. మొదటి సినిమాతోనే మంచి విజయాన్ని సొంతం చేసుకొని నటనకు స్పెషల్ జూరి నంది అవార్డును సంపాదించాడు. విక్టరీ వెంకటేష్ తరువాత ఫ్యామిలీ హీరోగా మంచి ఇమేజ్ సొంతం చేసుకున్నాడు. అయితే కొన్నేళ్లుగా సినిమా రంగానికి దూరంగా వున్న వేణు, తాజాగా రవితేజ హీరోగా వడ్తున్న రామారావు ఆన్ డ్యూటీ సినిమాతో రీ-ఎంట్రీ ఇవ్వబోతున్నాడు. త్వరలోనే సినిమా విడుదల ఉండటంతో ప్రమోషన్ కార్యక్రమాలలో చురుకుగా పాల్గొంటున్నాడు. ఈ క్రమంలోనే అలీ హోస్ట్ గా వ్యవహారిస్తున్న అలీ తో సరదాగా కార్యక్రమం లో పాల్గొన్నాడు. ఈ ప్రోగ్రాం యొక్క ప్రోమో అందరినీ ఆకట్టుకుంటోంది.
దేశముదురు సినిమా మొదట నాతో చేస్తానన్నారు…
ఈ ప్రమోలో వేణు, నా ఫస్ట్ సినిమా నుండి అలీ గారు నాతోనే వున్నారు, నేను వేసుకున్న చొక్కా కూడా అయనదే అని చెప్తు సరదాగా మాట్లాడారు. మొదటి సినిమా భారతి రాజా తో చేయాల్సినింది కదా ఎందుకు మిస్ అయ్యింది అని అలీ అడుగగా….దీనికి సమాదానంగా వేణు, సర్ నేను బాగా యాక్ట్ చేస్తాను అని ఏవేవో ఆయనకు చేసి చూపించాను, తరువాత ఒకరోజు ఆయన నన్ను పట్టుకొని నేనే మొదటి సినిమా చేయాల్సిన్నింది, అని గుర్తు చేసుకొని కన్నీరు పెట్టుకున్నారు అని చెప్పారు.
పెళ్లి గురించి టాపిక్ తెచ్చి మీది లవ్ మ్యారేజా లేకపోతే ఆరెంజ్డ్ మ్యారేజా అని అడుగగా దాని వేణు చెప్పిన సమాధానం చూపించకుండా ప్రమోలో సస్పెన్స్ పెట్టారు. ఆ తరువాత ఇట్లు శ్రావణి సుబ్రహ్మణ్యం సినిమా నేను చేయకపోయినా నాలో పూరి జగన్నాథ్ కి ఏం నచ్చిందో తెలియదు కానీ దేశముదురు సినిమా నాతో చేస్తానని వచ్చారు, దాని గురించి డిస్కస్ చేసాం కానీ ఎందుకో నాతో చేయలేదు అని చెప్పారు. అలీ మీరు చాలా రిచ్ అని, పొలిటికల్ బ్యాక్ గ్రౌండ్ కూడా ఉందని అనుకుంటున్నారు నిజమా అని అడుగగా…. మా అమ్మ గారి తమ్ముడు మాగంటి అంకినీడు, ఎంపీ గా చేశారు. నేను మేనల్లుడు కావడంతో నీ సినిమా ఆడితేనే నేను నీగురించి చెప్పుకుంటాను అనేవాడు అని చెప్పుకొంచ్చారు. అయితే మీరుకూడా రాజకీయాల్లోకి వస్తారా అని అడుగగా… తప్పనిసరిగా అని వేణు చెప్తుండగా ప్రోమో ఎండ్ చేసి సస్పెన్స్ లో పెట్టారు. ఇక ఇవన్నీ తెలియాలంటే ఎపుసోడ్ వచ్చే వరకు వేచి చూడాలి.