Sampath Raj: ఆమె నా భార్య కాదు.. ఫ్రెండ్ మాత్రమే.. పుకార్లకు మరో సారి చెక్ పెట్టిన సంపత్ రాజ్!

Sampath Raj:అప్పటి వరకూ ఎన్నో తెలుగు తమిళ చిత్రాలలో నటించిన రాని గుర్తింపు కొరటాల శివ దర్శకత్వంలో ప్రభాస్ హీరోగా నటించిన మిర్చి సినిమా ద్వారా గుర్తింపు వచ్చిందని నటుడు సంపత్ రాజ్ తెలిపారు.మిర్చి సినిమా ద్వారా విలన్ పాత్రలో అందరికీ సుపరిచితమైన సంపత్ రాజ్ అనంతరం ఎన్నో సినిమాలలో విలన్ పాత్రలలో నటిస్తూ మంచి గుర్తింపును సంపాదించుకున్నారు.

ఇలా ఇండస్ట్రీలో విలన్ గా పేరు ప్రఖ్యాతలు సంపాదించుకున్న ఈయన తాజాగా ఆలీతో సరదాగా కార్యక్రమంలో పాల్గొని ఎన్నో ఆసక్తికరమైన విషయాలను వెల్లడించారు. ఈ సందర్భంగా సంపత్ రాజ్ మాట్లాడుతూ… తన ఫ్యామిలీ గురించి తన కెరీర్ గురించి ఆశక్తికరమైన విషయాలు తెలిపారు. ఇక నటి శరణ్య సంపత్ రాజ్ భార్యాభర్తలు అంటూ ఒక వార్త ఇండస్ట్రీలో షికార్లు కొట్టింది.

ఈ కార్యక్రమం ద్వారా సంపత్ రాజ్ ఈ వార్తలపై క్లారిటీ ఇచ్చారు. ఈ సందర్భంగా ఆయన మాట్లాడుతూ శరణ్య ఫ్యామిలీ,మా ఫ్యామిలీ చాలా క్లోజ్ అని, తన భర్త నేను మంచి ఫ్రెండ్స్ అనే విషయాన్ని తెలిపారు. అయితే మేమిద్దరం కలిసి ఒక సినిమాలో భార్యాభర్తలుగా నటించామని అదే విషయాన్ని కొందరు మేము భార్య భర్తలనీ రాశారని ఈ సందర్భంగా వారి గురించి వస్తున్న వార్తలకు క్లారిటీ ఇచ్చారు.

ఆ దర్శకుడికి వారికి ఇచ్చిన సంపత్ రాజ్…

ఈ క్రమంలోనే ఒక దర్శకుడికి వార్నింగ్ ఇచ్చారట కదా.. సినిమాలో అవకాశం ఇవ్వకపోతే కెమెరాలు ఎత్తుకెళ్లి పోతానని వార్నింగ్ ఇచ్చారని అలీ అడగడంతో అందుకు సంపత్ సమాధానం చెబుతూ త్రివిక్రమ్ శ్రీనివాస్ కొత్త సినిమా చేయబోతున్నారు ఈ క్రమంలోనే అందులో నాకు ఛాన్స్ ఇవ్వకపోతే కెమెరాలన్ని ఎత్తుకెళ్లి పోతా అంటూ తనకు సరదాగా స్వీట్ వార్నింగ్ ఇచ్చానని ఈ సందర్భంగా తెలిపారు.ప్రస్తుతం ఈ కార్యక్రమానికి సంబంధించిన ఈ ప్రోమో సోషల్ మీడియాలో వైరల్ గా మారింది.