Un Stoppable: బాలయ్య షోలో సందడి చేయనున్న షర్మిలా.. ఆహా ప్లాన్ అదిరిందిగా?

Un Stoppable: సినీ నటుడు,తెలుగుదేశం పార్టీ ఎమ్మెల్యే నందమూరి బాలకృష్ణ హీరోగా మాత్రమే కాకుండా వ్యాఖ్యాతగా కూడా ఎంతో మంచి పేరు ప్రఖ్యాతలు సంపాదించుకున్నారు. ప్రముఖ నిర్మాత అల్లు అరవింద్ స్థాపించిన అన్ స్టాపబుల్ కార్యక్రమానికి ఈయన వ్యాఖ్యాతగా వ్యవహరిస్తున్న విషయం తెలిసిందే. ఇలా ఈ కార్యక్రమం మంచి విజయం కావడంతో రెండవ సీజన్ కూడా ప్రారంభించారు.

ఈ కార్యక్రమం మొదటి సీజన్ కేవలం సినీ సెలబ్రిటీలను మాత్రమే ఆహ్వానించి బాలకృష్ణ తనదైన శైలిలో వారిని ప్రశ్నిస్తూ వారితో కలిసి సందడి చేశారు. రెండవ సీజన్ మాత్రం ఇందుకు భిన్నంగా రాజకీయ నాయకులను కూడా ఈ వేదిక పైకి ఆహ్వానిస్తున్నట్లు తెలుస్తోంది ఇప్పటికే ఏపీ మాజీ సీఎం చంద్రబాబు నాయుడు ఆయన కుమారుడు నారా లోకేష్ రావడంతో ఈ ఎపిసోడ్ ఆసక్తికరంగా మారింది.

ఇదిలా ఉండగా తాజాగా ఈ కార్యక్రమానికి సంబంధించిన ఓ వార్త ప్రస్తుతం సోషల్ మీడియాలో వైరల్ గా మారింది. బాలయ్య టాక్ షో కి ఏపీ సీఎం జగన్మోహన్ రెడ్డి చెల్లెలు షర్మిలను ఆహ్వానిస్తున్నట్లు తెలుస్తోంది.ఇలా ఈ కార్యక్రమానికి షర్మిల ముఖ్య అతిథిగా రాబోతున్నారని తెలియడంతో ఈ ఎపిసోడ్ పై కూడా ఆసక్తి నెలకొంది. అయితే ఇందులో ఎంతవరకు ఉందో తెలియదు కానీ ప్రస్తుతం ఈ వార్త సోషల్ మీడియాలో వైరల్ అవుతుంది.

Un Stoppable: బాలయ్య తాక్ షో కి షర్మిల ఊకొడతారా..

ప్రస్తుతం షర్మిల తన అన్నయ్య జగన్మోహన్ రెడ్డికి దూరంగా ఉంటూ తెలంగాణలో వైఎస్సార్టీపీ పార్టీని అధికారంలోకి తీసుకొనిరావాలని గత కొన్ని నెలలుగా షర్మిల ఎంతగానో కష్టపడుతున్నారు. ఈ క్రమంలోనే ఈమెకు బాలయ్య టాక్ షో నుంచి ఆహ్వానం అందిందని తెలుస్తోంది. ఒకవేళ ఈమె కనుక ఈ షోకి వస్తే బాలకృష్ణ ఎలాంటి ప్రశ్నలు వేస్తారు జగన్ తో తనకు మనస్పర్థలు ఉన్నాయనే వార్తలకు ఈ కార్యక్రమం ద్వారా సమాధానం దొరుకుతుందా..అంటూ కొందరు కామెంట్లు చేయగా మరి కొందరు మాత్రం ఆహా ఏమి ప్లాన్ చేశారు అంటూ నిర్వాహకులపై కామెంట్లు చేస్తున్నారు.