Venkatesh Makeup man Raghava : బాలీవుడ్ లో షారుఖ్, కాజోల్ ఈ జంట అనగానే హిట్ పెయిర్. వీళ్ళ కెమిస్ట్రీ సినిమాలో అద్భుతంగా ఉంటుంది. ఎంతో మంది ఈ హిట్ పెయిర్ కి ఫ్యాన్స్. అలాంటి జంట టాలీవుడ్ లో అనగానే వెంకటేష్, సౌందర్య అని టాలీవుడ్ ప్రేక్షకులు ఎవరైనా చెప్పేస్తారు. వెంకటేష్, సౌందర్య జంటగా దాదాపు 8 సినిమాలు రాగా అందులో దాదాపు ఒకటి రెండు మినహా అన్ని సూపర్ హిట్లుగా నిలిచాయి. రాజా, పెళ్లి చేసుకుందాం, పవిత్రబంధం, జయం మనదేరా, దేవి పుత్రుడు, ఇంట్లో ఇల్లాలు వంటింట్లో ప్రియురాలు, ఇలా మంచి హిట్స్ అందుకున్న ఈ పెయిర్ సినిమాల్లో కెమిస్ట్రీ సూపర్. మరి రియల్ లైఫ్ లో ఎలా ఉండేవారు అనే విషయాన్ని వెంకటేష్ గారి వ్యక్తిగత మేకప్ మాన్ రాఘవ వివరించారు.

సౌందర్య అలానే పిలిచేది…

వెంకటేష్ గారు సరదాగా ఉంటారు కానీ ఎక్కువ మాట్లాడరు అంటూ రాఘవ గారు చెప్పారు. ఆయన మీద ఏ హీరోయిన్ తోనూ రూమర్స్ ఉండవు. సౌందర్య గారితో అన్ని సినిమాలను చేసినా ఆవిడంటే ఎంతో అభిమానం, చాలా గౌరవిస్తారు. సౌందర్య గారు కూడా సార్ అనే పిలుస్తారు. అన్ని సినిమాలను చేసినా సార్ అనే పిలిచేవారు. ఇక వెంకటేష్ గారంటే చాలా గౌరవం అంటూ రాఘవ తెలిపారు.

బెంగళూరుకి ఒకసారి షూటింగ్ కి వెళ్ళినపుడు ఇంటికి పిలిచి భోజనం పెట్టారు. స్వయానా ఆమే వడ్డించారు మాకు. చాలా మంచి అమ్మాయి సౌందర్య. తను చనిపోయినపుడు అందరం షాక్ అయ్యాం అంటూ రాఘవ తెలిపారు. అలా ఫ్లైట్ ఆక్సిడెంట్ లో మరణించడం చాలా బాధాకరం, వెంకటేష్ గారు చాలా బాధపడ్డారు అంటూ రాఘవ తెలిపారు.