Vijay : భాషాభిమానం, దీని గురించి మనం ఎంత తక్కువ మాట్లాడుకుంటే అంతమంచిది. ఎందుకంటే మనకు మన మాతృ భాషలో మాట్లాడటం కంటే పరాయి భాష వచ్చు అని చెప్పుకోవడమే నచ్చుతుంది కాబట్టి. ఎంతో మంది తెలుగు భాషాభిమానులు మాతృభాషను బ్రతికించండి అంటూ మొత్తుకున్నా మనకు మాత్రం అవసరం లేదు. పక్కనున్న తమిళులకు వారి భాష అంటే ఎంతో మక్కువ, జనాలకే కాదు సినిమా సెలబ్రిటిలైనా సరే వారి భాషకు ప్రాముఖ్యతని ఇస్తారు. కానీ మన వాళ్ళు మాత్రం ఆంగ్లం లో మాట్లాడటమే గొప్ప అనుకుని సంబరపడిపోతుంటారు.
విజయ్ సినిమా పోస్టర్ తెలుగులో ఎందుకు లేదు…
ఇక తాజాగా ఒక సినిమా పోస్టర్ లో తెలుగు అక్షరాలు మచ్చుకైనా కనిపించక పోవడం ఆశ్చర్యాన్ని కలిగిస్తోంది. ప్రముఖ నిర్మాణ సంస్థలో దిల్ రాజు నిర్మిస్తున్న చిత్రం, వంశీ పైడిపల్లి దర్శకుడు, హీరో తమిళ హీరో విజయ్. కానీ సినిమా పేరు ప్రకటిస్తూ విడుదల చేసిన పోస్టర్ పై ఆంగ్ల అక్షరాలతో “Varasudu” అని రాసి ఉంది. కానీ ఎందుకు తెలుగులో అదే అక్షరాలను ‘వారసుడు’ అని రాయలేదో తెలియదు. పోస్టర్ ను సిద్ధం చేసే వాళ్ళల్లో తెలుగు తెలిసిన వాళ్ళు ఒక్కరు లేరా అని వ్యంగ్యంగా అనుకుంటున్నారు.
#Varisu pic.twitter.com/b2bwNNAQP8
— Vijay (@actorvijay) June 21, 2022
ఇక సినిమా విషయంలోనూ ఇదే గందరగోళం ఉంది. విజయ్ సోషల్ మీడియాలో పోస్టర్ షేర్ చేసారు. మూడు ఫోటోలను షేర్ చేస్తే మూడు తమిళ వెర్షన్ వే అవ్వడం విడ్డూరం. ఇక గతంలో ఇచ్చిన ఇంటర్వ్యూల్లో కూడా విజయ్ ఇది తమిళ సినిమా అని తెలుగులోకి అనువదిస్తామని చెప్పారు. కానీ దిల్ రాజు మాత్రం ఇది ద్విభాషా చిత్రం అంటూ ఆ మధ్య చెప్పారు. మరి ఈ సినిమా సంగతేంటో వాళ్లే క్లారిటీ ఇవ్వాలి. భవిష్యత్తులో అయినా తెలుగులో పోస్టర్ వదులుతారో లేదో చూడాలి.