Vijay Antony : మ్యూజిక్ కంపోజర్ గా, సింగర్ గా, ఫిల్మ్ మేకర్ గా, హీరో గా ఇలా సినిమా కు ఉండే 24 క్రాఫ్ట్స్ లో చాలా వాటిలో టాలెంట్ ఉందని నిరూపించుకున్న నటుడు విజయ్ ఆంటోనీ. తమిళ సినిమా రంగంలో సింగర్ గా మ్యూజిక్ కంపోజర్ గా మంచి గుర్తింపు తెచ్చుకున్న విజయ్ ఆంటోనీ ఆ తరువాత నటుడుగా తన టాలెంట్ చూపించాడు. అయితే తెలుగులో మాత్రం ‘బిచ్చగాడు’ సినిమాతో మంచి పేరు తెచ్చుకున్నాడు విజయ్ ఆంటోనీ. ఆ సినిమా ఏ మాత్రం అంచనాలు లేకుండా విడుదల అయి అదే సమయంలో విడుదల అయిన పెద్ద హీరోల సినిమాలను కాదని సూపర్ హిట్ గా నిలిచి మంచి కలెక్షన్స్ సాధించింది. ఆ సినిమా తరువాత విజయ్ తన తదుపరి సినిమాలను కూడా తెలుగులో విడుదల చేయడం మొదలు పెట్టారు.
విడాకులు తీసుకోబోతున్న విజయ్ ఆంటోనీ…
సింగర్ గా, మ్యూజిక్ కంపోజర్ గా కెరీర్ మొదలు పెట్టినపుడే విజయ ఆంటోనీ ఫాతిమా అనే టీవీ యాంకర్ ను ప్రేమించారు. ఆ తారువాత వాళ్లిద్దరూ పెళ్లి చేసుకుని హ్యాపీ లైఫ్ ను కొనసాగిస్తున్నారు. కానీ తాజాగా విజయ్ ఆంటోనీ సోషల్ మీడియా లో పెట్టిన ఒక పోస్ట్ ఆయన భార్యతో విడాకులు తీసుకోబోతున్నారు అనే వార్తకు ఊతం ఇచ్చేలా ఉందని కోలీవుడ్ మీడియా అభిప్రాయ పడుతోంది. విజయ్ ఆంటోనీ తన సోషల్ మీడియా ఖాతాలను అంత ఎక్కువగా వాడరు. అలాంటింది ఆయన సోషలమీడియాలో పోస్ట్ పెట్టారంటే ఖచ్చితంగా ఏదో ఉంది అనే అనుమానాలు మొదలయ్యాయి.
உங்க குடும்பத்துல எதாவது பிரச்சனன்னா, முடிச்ச வரைக்கும் உங்களுக்குள்ள அடிச்சிக்கங்க, இல்ல விட்டு விலகிடுங்க, இல்ல கைல கால்ல விழுந்து சமாதானம் பண்ணி சேர்ந்து வாழுங்க🤝
— vijayantony (@vijayantony) October 11, 2022
அடுத்தவன மட்டும் கூப்புடாதிங்க🎤🫵📺
கும்மி அடிச்சி, கதைய முடிச்சிருவாங்க🔴
కుటుంబంలో ఏమైనా సమస్యలు ఉంటే మనమే పరిష్కరించుకోవాలి, కానీ మూడో వ్యక్తిని దగ్గరకు రానివ్వకూడదు. మనం బాధపడుతుంటే చూసి సంతోషించే వాళ్ళు చాలామంది ఈ సమాజంలో ఉంటారు. మీ కుటుంబంలో సమస్య వస్తే మీరే పరిష్కరించుకోండి. ఒకవేల భార్యభర్తల మధ్య సమస్య పరిష్కరించుకోలేకపోతే ఇంటిని వదిలి దూరంగా వెళ్లి ఉండండి. అంతే కానీ మూడో వ్యక్తికి చోటు ఇవ్వకండి. మనం బాధపడుతుంటే చాలా మంది నేటి సమాజంలో మన బాధను చూసి ఆనందిస్తారు. అలాంటి మనుషులు ఈ సమాజంలో ఎక్కువగా ఉన్నారు అంటూ తన ట్విట్టర్ ఖాతాలో రాసుకొచ్చాడు. దీంతో విజయ్ ఆంటోనీ ఫాతిమా మధ్య మూడో వ్యక్తి వల్ల అభిప్రాయాబేధాలు వచ్చాయని త్వరలో విడిపోతారంటూ వార్తలు కోలీవుడ్ లో బాగా వినబడుతున్నాయి.