Aishwary Rajinikanth: దొంగతనం చేయడానికి ఆమె కారణం… షాకింగ్ విషయాలు చెప్పిన ఐశ్వర్య రజినీకాంత్ పనిమనిషి!

Aishwary Rajinikanth: ఐశ్వర్య రజనీకాంత్ ఇంట్లో గత కొద్దిరోజుల క్రితం పెద్ద ఎత్తున దొంగతనం జరిగిన విషయం మనకు తెలిసిందే. ఇలా ఈమె ఇంట్లో దొంగతనం జరగడమే కాకుండా పెద్ద ఎత్తున బంగారు వజ్రాభరణాలు దొంగతనం చేశారు అంటూ పోలీసులకు ఫిర్యాదు చేశారు.అయితే తన ఇంట్లో లాకర్ కీస్ ఎక్కడ పెడతాననే విషయం ఇంట్లో పనివారికి తెలుసు అని చెప్పిన ఐశ్వర్య పనివారిని అనుమానిస్తున్నట్లు కూడా ఫిర్యాదులో పేర్కొన్నారు.

ఈ క్రమంలోనే ఐశ్వర్య రజనీకాంత్ చేసిన ఫిర్యాదు మేరకు పోలీసులు ఆమె పనిమనిషి ఈశ్వరిని అదుపులోకి తీసుకొని విచారణ చేపట్టారు. అయితే ఈ విచారణలో భాగంగా ఈశ్వరి పలు విషయాలను తెలియజేశారు.తనకు ఇప్పటికే సిటీలో రెండు ఇల్లు ఉన్నాయని దొంగతనం చేయాల్సిన అవసరం తనకు ఏమాత్రం లేదని తెలిపారు. అయితే పోలీసులు తమ స్టైల్ లో విచారించగా ఈమె అసలు విషయం బయట పెట్టింది.

ఇక ఈమె చెప్పిన విషయాలు విన్నటువంటి పోలీసులు ఒక్కసారిగా ఖంగుతిన్నారు.ఐశ్వర్య రజనీకాంత్ ఇంట్లో తానే దొంగతనం చేశానని తెలిపారు.అయితే తాను దొంగతనం చేయడానికి కారణం ఐశ్వర్య రజనీకాంత్ అని పనిమనిషి ఈశ్వరి చెప్పడంతో పోలీసులు ఒక్కసారిగా షాక్ అయ్యారు. తన ఇంట్లో కొన్ని సంవత్సరాలుగా గొడ్డులా చాకరీ చేస్తున్నాను అయినప్పటికీ తన జీతం మాత్రం కేవలం 30 వేల రూపాయలు మాత్రమే ఇస్తుందని ఈ డబ్బు తనకు ఏమాత్రం సరిపోలేదు అంటూ అందుకే దొంగతనం చేసానని తెలిపారు.

Aishwary Rajinikanth: గొడ్డులా చాకిరి చేశాను…

ఇకపోతే ఈశ్వరి ఇంట్లో ఐశ్వర్య రజనీకాంత్ ఇంట్లో దొంగతనం చేసిన బంగారం కన్నా అధిక బంగారం లభించడంతో పోలీసులు ఖంగుతిన్నారు. ఐశ్వర్య రజినీకాంత్ 60 సవర్ల బంగారం పోగా తన ఇంట్లో మాత్రం ఏకంగా 100 సవర్ల బంగారం నాలుగు కిలోల వెండి 30 గ్రాముల వజ్రాలు దొరికినట్లు పోలీసులు తెలిపారు. అయితే ఈ నగలన్నీ తనకు ఎక్కడి నుంచి వచ్చాయన్న కోణంలో ఆమెను విచారిస్తున్నారు.