ఇండస్ట్రీలోకి ఎంట్రీ ఇవ్వనున్న స్టార్ డైరెక్టర్ కూతురు.. క్లారిటీ ఇచ్చిన తనయుడు?

తెలుగు సినిమా ఇండస్ట్రీలో స్టార్ డైరెక్టర్ గా ఎంతో పేరు ప్రఖ్యాతలు సంపాదించుకున్న డైరెక్టర్ పూరీ జగన్నాథ్ గురించి ప్రత్యేకంగా చెప్పాల్సిన పనిలేదు. గత కొన్ని సంవత్సరాల క్రితం వరకు వరుస ఫ్లాప్ లను చవిచూసిన పూరి జగన్నాథ్ ఇస్మార్ట్ శంకర్ సినిమాతో మళ్లీ ఫామ్ లోకి వచ్చాడు.ఈ క్రమంలోనే ప్రస్తుతం పాన్ ఇండియా స్థాయిలో చిత్రాలను నిర్మిస్తూ దర్శకత్వం బాధ్యతలను చేపడుతున్నారు.

ఇదిలా ఉండగా పూరి జగన్నాథ్ తనయుడు ఆకాష్ పూరి అనిల్ పాధురి దర్శకత్వంలో రొమాంటిక్ అనే చిత్రంలో నటించారు. ఈ క్రమంలోనే ఈ సినిమా అక్టోబర్ 29వ తేదీ విడుదల కావడంతో ఈ సినిమా ప్రమోషన్ కార్యక్రమాలను వేగవంతం చేశారు. ఈ క్రమంలోనే ఆకాష్ పూరితో ఇంటర్వ్యూలో పాల్గొని పలు ఆసక్తికరమైన విషయాలను వెల్లడించారు.

పూరి జగన్నాథ్ కు ఒక కుమారుడు ఒక కుమార్తె అన్న సంగతి మనకు తెలిసిందే. కొడుకు ఆకాష్ పూరి సినిమాలలో నటిస్తూ ఉండగా కూతురు కూడా త్వరలోనే సినిమా ఎంట్రీ ఇవ్వబోతున్నారని వార్తలు వినపడుతున్నాయి. పూరి కూతురు పవిత్రకు సినిమాలంటే ఏమాత్రం ఇష్టం లేదని, కేవలం నాన్న బలవంతం మీదే బుజ్జిగాడు సినిమాలో చిన్నప్పటి త్రిష పాత్రలో నటించనుందని ఈ సందర్భంగా ఆకాష్ తెలియజేశారు.

అయితే తనకు సినిమాల్లో నటించడం కన్నా నిర్మాణరంగంలో పనిచేయడం ఎంతో ఇష్టమని ఈ సందర్భంగా తెలియజేశారు. ఈ క్రమంలోనే మరికొన్ని రోజులలో పవిత్ర పూరి నిర్మాణ రంగంలోకి అడుగుపెట్టి నిర్మాణ బాధ్యతలను చేపడుతుందని ఆకాశ్ ఈ సందర్భంగా పవిత్ర వెండితెర ఎంట్రీ గురించి క్లారిటీ ఇచ్చారు.