Analyst Adusumilli Srinivasarao : టీడీపీకి సపోర్ట్ గా జూనియర్ ఎన్టీఆర్ ఎన్నికల ప్రచారనికి రాకుండా అడ్డుకునేది ఎవరు?? తారక్ అవసరం చంద్రబాబుకి ఉందా?? అనలిస్ట్ అడుసుమిల్లి శ్రీనివాసరావు

Analyst Adusumilli Srinivasarao : ఏపీ, తెలంగాణ రాష్ట్రాలలో ఎన్నికలకు ఇంకో సంవత్సరం సమయం ఉంది అయితే అప్పుడే ఎన్నికలకు అన్ని పార్టీలు సిద్ధమవుతూ ప్రణాళికలు సిద్ధం చేసుకుంటున్నారు. పొత్తులు, పర్యటనలు అంటూ బిజీ అయిపోయారు. అయితే టీడీపీ అధినేత చంద్రబాబు ఇటీవల ఖమ్మం సభలో మాట్లాడటం, అక్కడికి జనం బాగా రావడంతో తెలంగాణలో కూడా టీడీపీకి ఇంకా బలం ఉందనే విషయం అన్ని పార్టీలకు అర్థమైంది. అయితే ఈ సారి ఎన్నికల్లో ఏపీలో ఏ పార్టీ వైపు ప్రజలు ఉన్నారో తెలియదు కానీ మూడు ప్రాంతీయ పార్టీలలో ఎవరి బలం ఎంతో ప్రజలే నిర్ణయిస్తారు. అయితే టీడీపీ తరుపున ప్రచారం చేయడానికి తన తమ్ముడు ఎన్టీఆర్ వస్తాడంటూ ఇటీవల తారక రత్న చేసిన వ్వాఖ్యలు ఇప్పుడు ఏపీ రాజకీయాల్లో చర్చకు దారితీసాయి. ఇక ఎన్టీఆర్ నిజంగా ప్రచారానికి వచ్చే అవకాశం ఉందా లేదా అనే అంశం మీద పొలిటికల్ అనలిస్ట్ అడుసుమిల్లి శ్రీనివాసరావు గారు విశ్లేషించారు.

ఎన్టీఆర్ అవసరం టీడీపీ కి ఉందా…

శ్రీనివాసరావు గారు మాట్లాడుతూ టీడీపీ రెండు రాష్ట్రాల్లోను ప్రస్తుత పరిస్థితుల్లో అవసరం అని ప్రజలు భావిస్తున్నారంటూ అభిప్రాయపడ్డారు. అటు ఏపీ లో ప్రభుత్వ వ్యతిరేకత టీడీపీ కి కలిసి రావొచ్చు. ఇక్కడ తెలంగాణ లోనూ టీడీపీ ఇంకా బ్రతికే ఉందని మొన్న ఖమ్మం సభ నిరూపించింది. ఇప్పుడు ఏపీ ఎన్నికల్లో గెలవాలని అన్ని పార్టీలూ సమాయత్తమవుతుండగా పొత్తుల గురించి చర్చలు నడుస్తున్నాయి. ఈసారి టీడీపీ వైపు ప్రజలు ఉంటే ఎవరు టీడీపీ తో కలిసి వచ్చినా రాకపోయినా ఆ పార్టీ గెలుస్తుంది.

ఇక టీడీపీకి ఎన్టీఆర్ గారి ప్రచారం అవసరమని నేను అనుకోవడం లేదు అంటూ శ్రీనివాసరావు గారు అభిప్రాయపడ్డారు. కాకపోతే చంద్రబాబు ఏ ఒక్క ఛాన్స్ వదలకూడదు అనుకుంటే ఎన్టీఆర్ ను ప్రచారానికి పిలవొచ్చు. ఒకవేళ పిలిచినా ఎన్టీఆర్ వచ్చి ప్రచారం చేస్తాడు. అది వాళ్ళ కుటుంబానికి సంబంధిచిన పార్టీ కనుక బాధ్యత ఎన్టీఆర్ కు ఉంది అంటూ అభిప్రాయపడ్డారు. అయితే బీజేపీ పార్టీ ఎన్టీఆర్ ను వచ్చే ఎన్నికలకు వినియోగించుకోవాలని అనుకుంటోంది అనే వార్తలు వినిపిస్తున్నాయి. అమిత్ షా తో ఎన్టీఆర్ భేటీ అందుకే జరిగిందని భావిస్తున్నారు కానీ అన్నీ ఊహగానాలే కానీ ఇంకా స్పష్టత రావాలి అంటూ తెలిపారు.