Analyst Damu Balaji : జానకీపురం సర్పంచ్ నవ్య అలాగే స్టేషన్ ఘనపూర్ ఎమ్మెల్యే రాజయ్య వివాదం డైలీ సీరియల్ లాగా రోజూ వస్తూనే ఉంది. తాజాగా సర్పంచ్ నవ్య తనకు బెదిరింపు కాల్స్ వస్తున్నాయని పోలీసులకు ఫిర్యాదు చేసారు. తాను ఇంటి నుండి బయటికి వెళితే తిరిగి వస్తానో లేదో తెలియడం లేదని ఎమ్మెల్యే తనని చంపించాలని చూస్తున్నాడంటూ నవ్య ఆరోపిస్తున్నారు. ఇక ఈ ఇష్యూ మీద అనలిస్ట్ దాము బాలాజీ మాట్లాడారు.

25 లక్షలు ఇచ్చినా ఎమ్మెల్యేని వదలని నవ్య…

సర్పంచ్ నవ్య ను లైంగికంగా వేధిస్తున్నాడు అంటూ ఆమె మీడియా ముందుకు గతంలో వచ్చింది. ఆ సమయములో ఎమ్మెల్యే రాజయ్య ఇంటికి వచ్చి క్షమాపణలు కూడా చెప్పారు. ఇక మళ్ళీ ఇపుడు నవ్య తన భర్తను వాడుకుని తనని మళ్ళీ వేధించాలని చూస్తున్నాడని తన భర్తకు డబ్బు ఆశ చూపి గతంలో చేసిన ఆరోపణలు అపద్దమని రాయించుకోవాలని చూసారు, అప్పుగా ఇరవై ఐదు లక్షలు ఇస్తామని బాండు పేపర్ మీద సంతకం చేయించుకోవాలని అనుకున్నారని నవ్య ఆరోపిస్తోంది. అయితే ఈసారి ఆమె ఆధారాలను పోలీసులకు చూపించడం లేదు.

బెదిరింపు కాల్స్ వస్తున్నాయని చెబుతోంది కానీ వాటిని బయటపెట్టడం లేదు అంటూ బాలాజీ తెలిపారు. తాజగా మీడియాతో మాట్లాడే సమయంలో బాండు పేపర్లో గ్రామానికి నిధుల కోసమే అని ఎమ్మెల్యే మెన్షన్ చేసారని చెప్పడంతో నీళ్లు నమిలింది. చివరకు మీడియా సాక్షిగా ఎమ్మెల్యే 25 లక్షల నిధులు శాంక్షన్ చేసారని చెబుతూ ఆయన నిధులను విడుదల చేసినా ఆయన మీద ఆరోపణలను వెనక్కి తీసుకోనని మహిళా కమిషన్ ఎదుట తేల్చుకుంటానని చెప్పడం పబ్లిసిటీ కోసమే అని బాలాజీ అభిప్రాయాపడ్డారు.