Analyst Damu Balaji : వివేకానంద రెడ్డి హత్య జరిగాక పిఏ కృష్ణా రెడ్డి మాయం చేసిన మూడు సాక్ష్యాలు ఇవే…: అనలిస్ట్ దాము బాలాజీ

Analyst Damu Balaji : వైఎస్ వివేకానంద రెడ్డి హత్య కేసు మలుపులు తిరుగుతూ డైలీ సీరియల్ ను తలపిస్తూ కొత్త క్యారెక్టర్స్ పుడుతూనే ఉన్నారు. రోజుకో కొత్త వ్యక్తి పేరు ఈ కేసులో వినిపిస్తూ ఎంపీ అవినాష్ రెడ్డి దగ్గర విచారణ ఆగిపోయింది. అయితే ఇల్లీగల్ అఫైర్స్ వివేకానంద చావుకు కారణమని పలు మార్లు వినిపించినా వివేకానంద రెండో భార్య గురించి కూడా పలు కథనాలు వచ్చినా ఇప్పటి వరకు అజ్ఞాతంలోనే ఉంది. ఇక షమీమ్ గురించి పక్కన పెడితే వైఎస్ వివేకానంద హత్య జరిగాక మొదట తెలిసిన వ్యక్తి ఆయన పిఏ కృష్ణా రెడ్డి. ఆయన ఉదయం 5 గంటల ప్రాంతంలో వివేకానంద ఇంటికి వెళ్లి తలుపు తట్టినా ఎంతకీ తీయకపోవడంతో వాచ్ మెన్ రంగయ్యను ఆడినా సమాధానం రాకపోవడంతో గోడదూకి లోపలికి పోయి డోర్ ఓపెన్ చేస్తే రక్తపు మడుగులో వైఎస్ వివేకానంద ఉన్నారు. అయితే ఆ తరువాతే అసలు కథ మొదలైంది అంటూ అనలిస్ట్ దాము బాలాజీ వివరించారు.

సాక్ష్యాలు మాయం చేసిన కృష్ణా రెడ్డి…

ఏ హత్య కేసులో అయినా ప్రాథమిక ఆధారాలు కీలకంగా ఉంటాయి. టెక్నాలజీ అధికంగా ఉన్న ఈ రోజుల్లో అయితే ఫోన్ చాలు నిందితులను పట్టించాడానికి. అయితే వివేకానంద గారి ఫోన్ అలానే ఆయన రాసిన లెటర్ మాయం చేసారు. అలాగే గొడ్డలితో నరకడంతో ఇల్లంతా పడిన రక్తపు మారకాలను వంట మనిషి ప్రకాష్ తో క్లీన్ చేయించారు కృష్ణా రెడ్డి.

ఇక అవినాష్ రెడ్డి కి హత్య గురించి ఫోన్ చేసింది కృష్ణా రెడ్డి గారే కాగా ఇటు సునీత రెడ్డి ఆమె భర్త రాజశేఖర్ రెడ్డి కి ఫోన్ చేసింది కూడా కృష్ణా రెడ్డి గారే అంటూ అనలిస్ట్ బాలాజీ గారు తెలిపారు. ఇక సునీత ఆమె భర్త కి విషయం చెప్పగానే వాళ్ళు ఫోన్ అలాగే లెటర్ దాచిపెట్టమని చెప్పారు అంటూ బాలాజీ తెలిపారు.