Balagam Fame Rupa Lakshmi : కమెడియన్ వేణు గారు డైరెక్టర్ గా మారి ఒక మంచి ఫీల్ గుడ్ మూవీని తీశారు. కమెడియన్ కాబట్టి కామెడీ సినిమా తీస్తారని అందరూ అనుకున్నా అందుకు భిన్నంగా ఒక ఎమోషనల్ డ్రామాను చావుతో ముడిపడిన బంధాలను చూపించి ఆకట్టుకున్నాడు. చిన్న సినిమాగా వచ్చిన బలగం సినిమా నేడు థియేటర్స్ లో డీసెంట్ కలెక్షన్స్ అందుకుంటోంది. అందులో నటించిన ఆర్టిస్టులందరికీ మంచి పేరు తెచ్చిపెట్టింది. అందులో నటించిన క్యారెక్టర్ ఆర్టిస్ట్ రూప లక్ష్మి గారు ఆ సినిమా గురించిన పలు ఆసక్తికర విషయాలతో పాటు తన కెరీర్ గురించి కూడా పంచుకున్నారు.

బలగం సినిమాకు నా రెమ్యూనరేషన్…

రూపలక్ష్మి గారు బలగం సినిమా కంటే ముందు పలు సినిమాల్లో క్యారెక్టర్ ఆర్టిస్ట్ గా నటించినా ఈ సినిమాతో మంచి పేరు గుర్తింపు అందుకున్నారు. ప్రస్తుతం ఈ సినిమా తాలుకు సక్సెస్ ను ఎంజాయ్ చేస్తున్న ఆమె పలు ఇంటర్వ్యూలలో పాల్గొంటూ ఆమె తన కెరీర్ గురించి ఆసక్తికర విషయాలను పంచుకున్నారు. సినిమాలో తాను హీరోయిన్ కావ్య కళ్యాణ్ రామ్ కి తల్లిగా లక్ష్మి పాత్రలో ఎంత సహాజంగా నటించిందో అందరికీ తెలుసు.

ఇక బలగం సినిమా కంటే ముందు కూడా దిల్ రాజు గారి బ్యానర్ లో నటించిన రూపలక్ష్మి గారు తన ఆర్థిక పరిస్థితి గురించి మాట్లాడుతూ తాను ఆర్థికంగా బాగున్నట్లు, సినిమాలు లేకపోయినా ఆర్థికంగా బాగానే కుటుంబం ఉన్నట్లు తెలిపారు. అయితే దిల్ రాజు గారి బ్యానర్ లో ఇంతకు ముందు నటించినపుడు కూడా రెమ్యూనరేషన్ బాగానే ఇచ్చారు. అందువల్లే కదా మళ్ళీ మళ్ళీ అదే బ్యానర్ లో చేస్తాం. రెమ్యూనరేషన్ నచ్చకపోతే ఎందుకు చేస్తాం. ఇక బలగంకి కూడా మంచి రెమ్యూనరేషన్ ఇచ్చారంటూ చెప్పారు రూపలక్ష్మి.