బిగ్ బాస్ హౌస్ లోకి వచ్చిన తర్వాత అందులో పాల్గొన్న ప్రతి ఒక్క కంటెస్టెంట్ తలరాతలు మారిపోతాయి అనడంలో ఎటువంటి సందేహం లేదు. ఎందుకంటే బిగ్ బాస్ కు వచ్చిన తరువాత బాగా ఫేమస్ అయిన వాళ్ళు చాలామంది ఉన్నారు. ఈ షో నుంచి బయటకు వెళ్లిన తర్వాత చాలామంది వెండితెరపై అవకాశాలు కూడా సాధించారు.
ఇదిలా ఉంటే బిగ్ బాస్ నుండి బయటకు వచ్చిన తర్వాత బిగ్ బాస్ కంటెస్టెంట్స్ చాలామంది వారికి నచ్చిన ఖరీదైన కార్లను కొనడం కామన్ గా మారిపోయింది. ఇప్పటికే చాలా మంది కంటెస్టెంట్ లు బిగ్ బాస్ హౌస్ నుండి బయటకు వచ్చిన తర్వాత ఖరీదైన కార్లను కొనుగోలు చేసిన సంగతి తెలిసిందే. బిగ్ బాస్ లో పాల్గొన్న హిమజా, సోహెల్, అఖిల్, అరియానా, శివ జ్యోతి, లాంటి కంటెస్టెంట్ లు ఖరీదైన కార్లు కొనుగోలు చేసిన విషయం తెలిసిందే.
తాజాగా ఈ లిస్ట్ లోకి బిగ్ బాస్ తెలుగు సీజన్ 5 కంటెస్టెంట్ విశ్వా చేరాడు. విశ్వ కూడా బిగ్ బాస్ హౌస్ నుండి బయటకు వచ్చిన తర్వాత తన కలను నెరవేర్చుకున్నాడు.తాజాగా విశ్వ కూడా ఒక ఖరీదైన కారును కొనుగోలు చేశారు.నిజానికి విశ్వ హౌస్ లో నుంచి త్వరగానే ఎలిమినేట్‌ అయినప్పటికీ మంచి పాపులారిటీ సంపాదించుకున్నాడు.
తాజాగా విశ్వ బీఎండబ్ల్యూ కారును కొన్నాడు. దీంతో ఇంత లగ్జరీ కారును కొనేయడంతో అంతా షాక్ అవుతున్నారు. మనం కలలు కన్న కారును కొంటే ఎంత సంతోషంగా ఉంటుందో చెప్పలేం. ఇప్పుడు నేను అదే ఫీలింగ్‌లో ఉన్నా.. మా కుటుంబంలోకి కొత్త మెంబర్ వచ్చింది.. దీనంతటికి కారణం ఆ దేవుడు, బిగ్ బాస్ అంటూ విశ్వ ఎమోషనల్ అయ్యాడు.