బిగ్ బాస్ రియాల్టీ షోలో రెండు వారాలు విజయవంతంగా పూర్తి అయ్యాయి. మొదటి వారంలో సరయు, రెండో వారంలో ఉమ ఎలిమినేట్ అయ్యారు. ఇక హౌస్ లో 19 మంది కంటెస్టెంట్లకు 17 మంది మాత్రమే మిగిలారు. అయితే ఈ సారి వైల్డ్ కార్టు ఎంట్రీ ఉంటుందని అనుకున్నారు కానీ ఇంతవరకు హౌస్ లోకి ఎవరూ వెళ్లలేదు. అయితే హౌస్ లో కామెడీ తగ్గిందనే చెప్పాలి. గత సీజన్ కంటే ఈ సీజన్ కాస్తంత బోరింగ్ గా ఫీల్ అవుతున్నారు ప్రేక్షకులు.
ఇదిలా ఉండగా ప్రతీ సోమవారం ఆ వారానికి సంబంధించి ఎలిమినేష్ ప్రక్రియ కొనసాగుతుంది. మూడో వారం ఎలిమినేషన్ కు ఎవరు నామినేట్ లో ఉన్నారో తెలిసిపోయింది. దీనికి సంబంధించి వార్త సోషల్ మీడియాలో వైరల్ గా మారింది. ఈవారం నామినేషన్ లిస్టు లో ప్రియా, ప్రియాంక సింగ్, లహరి, శ్రీరామచంద్ర, మానస్ లు నామినేషన్ లో ఉన్నట్లు తెలుస్తోంది.
మొత్తం ఐదుగురు మూడో వారంలో ఇంటి నుంచి బయటకు వెళ్లేందుకు సిద్ధంగా ఉన్నారు. అయితే వాళ్లకు వచ్చే ఓట్లను బట్టి.. ఎవరు ఉంటారో.. ఎవరు ఉండరో అనేది ప్రేక్షకుల చేతిలో ఉంది. దీనిలో మొదటిసారి నామినేషన్లోకి వచ్చింది శ్రీరామ చంద్ర మరియు లహరి. ఇదిలా ఉండగా..హౌస్ లో సిస్టమ్ సరిగ్గా లేదని ప్రతీ ఒక్కరినీ సెట్ చేస్తానని చెప్పి.. నాగార్జున రెండు రోజులు వారితో ముచ్చటించిన విషయం తెలిసిందే. ప్రియా, ప్రియాంకా సింగ్, మానస్ లు రెండో వారంలో కూడా నామినేట్ అయి సేవ్ అయిన విషయం తెలిసిందే. మరి ఈ వారం వారు హౌస్ లో కొనసాగుతారా లేదా బయటికి వస్తారో వేచిచూడాలి.