Bigg Boss6: ప్రేక్షకులకు బోర్ కొట్టేసిన నాగార్జున… మరీ ఇంతలా నా?

Bigg Boss6: అక్కినేని నాగార్జున టాలీవుడ్ ఇండస్ట్రీలో స్టార్ హీరోగా గుర్తింపు పొందింది. ఇప్పటికీ నాగార్జున సినిమాలలో నటిస్తూనే టీవీ షోస్ కి హోస్టుగా వ్యవహరిస్తున్నాడు. గతంలో మీలో ఎవరు కోటీశ్వరుడు షో కి హోస్ట్ గా వ్యవహరించి ప్రేక్షకులను ఆకట్టుకున్న నాగార్జున ప్రస్తుతం బిగ్ బాస్ రియాల్టీ షో కి కూడా హోస్ట్ గా వ్యవహరిస్తున్నాడు. ప్రస్తుతం బిగ్ బాస్ సీజన్ 6 నడుస్తోంది.

గతంలో పూర్తి అయిన 5 బిగ్ బాస్ సీజన్లలో నాలుగు సీజన్లకు నాగార్జున హోస్ట్ గా వ్యవహరించి ప్రేక్షకులను బాగా ఆకట్టుకున్నాడు. బిగ్ బాస్ షో కి నాగార్జునని తప్ప వేరొకరిని హోస్ట్ గా ఊహించుకోలేరు. అంతలా బుల్లితెర ప్రేక్షకులకు దగ్గరయ్యాడు. అయితే ఇటీవల ప్రారంభమైన బిగ్ బాస్ సీజన్ 6 లో నాగార్జున స్టైల్, మాట తీరులో కూడా చాల తేడా కనిపిస్తోంది. ఈ క్రమంలో నాగ్‌లో పస తగ్గిపోయిందనే వార్తలు వినిపిస్తున్నాయి. దీంతో సీజన్ 6 లో నాగార్జున కోసం రూపొందించిన స్క్రిప్ట్ కూడా మార్చినట్లు వార్తలు వినిపిస్తున్నాయి.

ప్రేక్షకులు కూడా ఈ బిగ్ బాస్ సీజన్ 6 పట్ల అంతగా ఆసక్తి చూపటం లేదు. ఇప్పటికే ఈ సీజన్ ప్రారంభమై వారం రోజులు గడిచింది. అసలు బిగ్ బాస్ హౌస్‌లో ఏం జరుగుతోందో ప్రేక్షకులకు అంతుపడటం లేదు. బిగ్ బాస్ ఎపిసోడ్స్ గురించి సోషల్ మీడియాలో ముందే సమాచారం వచ్చేస్తోంది. అంతే కాకుండా వీకెండ్ లో కూడా నాగార్జున సీరియస్‌గా ఏదో హంగామా చేసేస్తున్నా, అదంతా ముందే జనానికి తెలిసిపోతోంది.

Bigg Boss6: నిరాశపరుస్తున్న నాగార్జున…

ఈ వారం ఎలిమినేషన్ గురించి కూడా ప్రేక్షకులకు ముందే తెలిసిపోయింది. చివరి నిమిషం వరకు బిగ్ బాస్ హౌస్ నుండి ఎలిమినేట్ కానున్నాడని అందరిని టెన్షన్ పెట్టిన నాగార్జున చివరికి మాత్రం ఈ వారం ఎలిమినేషన్ లేదని చెప్పి అందరిని సర్ప్రైజ్ చేశాడు. ఈవారం ఎలిమినేషన్ లేదన్న సంగతి ప్రేక్షకులకు ముందే తెలిసిపోయింది. మొత్తానికి ఇంటి సభ్యుల ఆట తీరు మాత్రమే కాకుండ నాగార్జున కూడా ప్రేక్షకులని బాగా నిరాశపరుస్తున్నారు.