Bigg Boss: బుల్లితెర ప్రేక్షకులను అమితంగా ఆకట్టుకున్నటువంటి బిగ్ బాస్ కార్యక్రమం మరికొద్ది రోజులలో ప్రేక్షకుల ముందుకు రాబోతుంది. ఇప్పటికీ ఆరు సీజన్లను పూర్తి చేసుకున్న ఈ కార్యక్రమం ఏడవ సీజన్ కూడా ప్రసారానికి సిద్ధమవుతుంది. ఇప్పటికే ఈ కార్యక్రమానికి సంబంధించిన లోగో ప్రోమో కూడా విడుదల చేశారు.త్వరలోనే ఈ కార్యక్రమం ప్రసారం కానుంది.

ఇకపోతే ఇప్పటివరకు బిగ్ బాస్ కంటెస్టెంట్లకు కొన్ని రూల్స్ పెట్టారు. అయితే ఈసారి మాత్రం రూల్స్ చాలా కఠినంగా ఉండబోతున్నాయని తెలుస్తోంది. తెలుగులో బిగ్ బాస్ కార్యక్రమం గత సీజన్ పెద్దగా ఆదరణ పొందలేదు అందుకు గల కారణం ఎలిమినేట్ అయినటువంటి కంటెస్టెంట్లు బయటకు వచ్చి కార్యక్రమం గురించి చెడుగా ప్రచారం చేయడమేనని తెలుస్తుంది.

ఈ క్రమంలోనే ఈ విషయంపై ఫోకస్ చేసినటువంటి మేకర్స్ కంటెస్టెంట్లకు సరికొత్త కండిషన్ పెట్టారు. హౌస్ లోకి వచ్చినటువంటి కంటెస్టెంట్స్ హౌస్ నుంచి ఎలిమినేట్ అయిన తర్వాత బయట పలు ఇంటర్వ్యూలలో పాల్గొంటారు. ఇలా పాల్గొన్నటువంటి వారు ఈ కార్యక్రమం గురించి ఎక్కడైనా నెగిటివ్ కామెంట్స్ చేస్తే వారి రెమ్యూనరేషన్ పై కోత విధించనున్నారని సమాచారం.

Bigg Boss: రెమ్యూనరేషన్ కట్….

ఈ విధంగా బిగ్ బాస్ కార్యక్రమం గురించి అలాగే కంటెస్టెంట్ల గురించి ఎక్కడైనా ఇలాంటి కామెంట్స్ చేస్తే రెమ్యూనరేషన్ కట్ అవుతుందని కండిషన్ తోనే కంటెస్టెంట్లను ఈసారి హౌస్ లోకి పంపించబోతున్నారని తెలుస్తుంది.ఇలాంటి కండిషన్ పెట్టడంతో కొన్ని యూట్యూబ్ ఛానల్ లకు అలాగే కంటెస్టెంట్లకు కాస్త కష్టమేనని చెప్పాలి. అయితే త్వరలోనే ఈ కార్యక్రమానికి సంబంధించి మరి ఒక అప్డేట్ కూడా రానుంది.