Sad News: రిసెప్షన్ లోనే కుప్పు కూలిన పెళ్లి కూతురు..! ఏం జరిగిందంటే..!

Sad News: ఆడపిల్ల జీవితంలో పెళ్లి అనేది ఒక మరుపురాని అనుభూతి. భవిష్యత్ కోసం ఎన్నో కలలు కంటుంది. తన పెళ్లి బంధు మిత్రులతో అంగరంగ వైభవంగా జరగాలని ఎంతో ఆశపడుతుంది. ఆమె తల్లిదండ్రులు ఒకవైపు తన కూతురు మరో కొత్త జీవితాన్ని ప్రారంభిస్తుందని సంతోష పడుతుండగా.. మరోవైపు.. కూతురు తమను విడిచి అత్తగారింటికి వెళ్లిపోతుందోనని బాధ కూడా ఉంటుంది.

ఎన్ని రోజులు ఉన్నా ఆడపిల్ల వివాహం చేసుకొని అత్తగారింటికి వెళ్లక తప్పదు కదా. అయితే ఓ అమ్మాయి జీవితంలో మాత్రం ఇలా జరుగుతుందని తల్లిదండ్రులు ఊహించలేకపోయారు. ఏం జరిగిందంటే.. కర్ణాటక రాష్ర్టంలోని శ్రీనివాసపురానికి తాలుకాకు చెందిన చైత్ర కైవార కాలేజీలో లెక్చరర్ గా విధులు నిర్వహిస్తోంది.

ఈమెకు ఇటీవల హొసకోటకు చెందిన వ్యక్తితో పెళ్లి నిశ్చయమైంది. ఈ నెలలోనే పెళ్లి చేయడానికి పెద్దలు ముహూర్తాలు కూడా ఫిక్స్ చేశారు. కానీ అనుకోకుండా ఆమెను మృత్యువు వెంటాడింది. పెళ్లికి ముందు రోజు రిసెప్షన్ పెట్టారు. ఆ రిసెప్షన్కు బంధువులు, స్నేహితులందరూ హాజరయ్యారు.

వెంటనే ఆమె తల్లిదండ్రులు ..

అప్పటివరకు అక్కడి ఉన్నవారంతా చాలా సంతోషంగా ఉన్నారు. ఉన్నట్టుండి ఏమైందో తెలియదు కానీ పెళ్లి కూతురు చైత్ర సడన్ గా రిసెప్షన్ లోనే కుప్పకూలి కిందపడిపోయింది. అప్పటివరకు మంచిగానే ఉన్న చైత్రకు ఏమైందో తెలియక అక్కడ ఉన్న వారంతా షాక్ కు గురయ్యారు. వెంటనే ఆమె తల్లిదండ్రులు హుటహూటిన చికిత్స కోసం బెంగుళూరులో ఉన్న ఓ ఆస్పత్రికి తరలించారు. చైత్రకు ఆరు రోజులుగా వైద్యం అందించిన డాక్టర్లు బ్రెయిన్‌ డెడ్‌ అయ్యిందని ఆమె తల్లిదండ్రులకు చెప్పారు. ఆ మాట విన్న ఆమె తల్లిదండ్రులు అక్కడికక్కడే నేలకొరిగి బోరున విలపించారు. డాక్టర్ల విజ్ఞప్తి మేరకు తమ కూతురి అవయవాలు దానం చేసి మానవత్వాన్ని చాటుకున్నారు.