భూకంపం రాకుండానే ఊగిపోయిన 71 అంతస్థుల భవనం.. చివరికి?

సాధారణంగా భూకంపం వచ్చినప్పుడు భూమిలో ప్రకంపనలు మొదలై చిన్న ఇంటి నుంచి ఎత్తయిన భవనాలు వరకు ఊగుతుంటాయి. భూకంపం తీవ్రతను బట్టి భవనాలు కోల్పోయి ఎంతో ప్రాణ నష్టం ఆస్తి నష్టం కూడా వాటిల్లుతుంది.కానీ తాజాగా చైనాలో మాత్రం ఎటువంటి భూకంపం లేకుండా ఎంతో ఎత్తయిన భవనం లో ప్రకంపనాలు రావడంతో ప్రజలు ఎంతో తీవ్ర భయాందోళన చెంది భవనం నుంచి బయటకు పరుగులు తీశారు.

చైనాలో ఎత్తైన భవనాల్లో ఒకటైన సెగ్ ప్లాజా అకస్మాత్తుగా అటూ ఇటూ ఊగడంతో వెంటనే అధికారులు అప్రమత్తమై భవనాన్ని ఖాళీ చేయించారు. భూకంపం రావడం వల్లే భవనం కదులుతుందని పరుగులు తీసిన జనాలు బయట ఎటువంటి భూకంప పరిస్థితులు కనపడకపోవడంతో ఏం జరిగిందనే ఆలోచనలో పడ్డారు.

షెన్ జన్ నగరంలో ఉన్న సెగ్ ప్లాజా భవనం 356 అడుగుల ఎత్తున ఉంది. చైనా లోని అత్యంత ఎత్తైన భవనాలలో ఈ భవనం 21వ స్థానంలో ఉంది ఈ భవనంలో పది అంతస్తులలో షెన్ జన్ ఎలక్ట్రానిక్స్ గ్రూపులు ఉన్నాయి. మిగతా అంతస్థులలో ఐటీ సంస్థల ఆఫీసులో ఉన్నాయి. 2000 సంవత్సరంలో నిర్మాణం చేపట్టిన ఈ భవనంలో ఉన్నఫలంగా ప్రకంపనలు రావడంతో అక్కడ ఉద్యోగులు ఎంతో ఆందోళన చెంది బయటకు పరుగులు తీశారు.

ఈ భవనంలోని ప్రకంపనల గురించి అధికారులకు తెలియజేయడంతో అధికారులు అక్కడికి చేరుకుని తిరిగి భవనంలోకి ఎవరు ప్రవేశించకుండా భవనానికి సీజ్ చేశారు. ‘‘దేశంలోని అన్ని ఎర్త్‌కేక్ మానిటరింగ్ స్టేషన్ల నుంచి వివరాలు సేకరించాం. కానీ, ఎక్కడా భూకంపాలు ఏర్పడలేదని తెలిసింది. అయితే ఈ భవనంలో మాత్రమే ప్రకంపనలు రావడానికి గల కారణం ఏమిటని విచారణ చేపట్టారు. ఈ భవనంలో మాత్రమే ప్రకంపనలు రావడానికి గల కారణాలు తెలియాల్సి ఉంది. ప్రస్తుతం ఈ ఘటనకు సంబంధించిన వీడియో సోషల్ మీడియాలో వైరల్ గా మారింది.