ఈటల రాజీనామా ఆమోదించిన స్పీకర్ పోచారం..!!

మాజీ మంత్రి ఈటల రాజీనామాను తెలంగాణ స్పీకర్ పోచారం శ్రీనివాసరెడ్డి ఆమోదించారు. ఈరోజు ఉదయం 11 గంటలకు ఈటల రాజేందర్ తన ఎమ్మెల్యే పదవికి రాజీనామా చేశారు. ఈ క్రమంలో గన్‌పార్క్ వద్ద అమరవీరుల స్థూపానికి నివాళ్ళులర్పించిన అయన ఆ తరువాత అసెంబ్లీలోని స్పీకర్ కార్యాలయానికి వెళ్లి ఎమ్మెల్యే పదవికి ఆయన రాజీనామా చేశారు.

తన రాజీనామా లేఖను స్పీకర్ ఫార్మేట్‌లో ఉంచి అసెంబ్లీ కార్యదర్శికి అందిచారు. ఇక ఈరోజు సాయంత్రం ఈటల ఢిల్లీ బయలుదేరనున్నారు. ఈ నెల 14న జేపీ నడ్డా సమక్షంలో ఈటల బీజేపీ లో చేరనున్నారు.. కాగా ప్రత్యేక విమానంలో ఢిల్లీ బయలుదేరనున్నారు ఈటల. ఈ నేపధ్యంలో మాజీ మంత్రి ఈటల రాజేందర్ తో పాటు మరికొందరు నేతలు బీజేపీలో చేరనున్నట్టు తెలుస్తోంది.