ఆ బ్యాంక్ లో మహిళల కోసం స్పెషల్ అకౌంట్.. ఎన్నో లాభాలు..?

దేశంలోని బ్యాంకులు రోజురోజుకు కస్టమర్లకు మరింత చేరువ కావాలనే ఉద్దేశంతో కొత్త నిర్ణయాలు తీసుకుంటున్న సంగతి తెలిసిందే. కొన్ని బ్యాంకులు అయితే ఏకంగా మహిళల కోసం స్పెషల్ అకౌంట్లు ఓపెన్ చేసే అవకాశాన్ని కల్పిస్తూ మహిళలకు మరింత ప్రయోజనం చేకూరేలా చేస్తున్నాయి. దేశంలోని స్మాల్ ఫైనాన్స్ బ్యాంకులలో ఒకటైన ఈక్విటస్ స్మాల్ ఫైనాన్స్ బ్యాంక్ మహిళా కస్టమర్లకు అదిరిపోయే శుభవార్త చెప్పింది. ఇవా పేరుతో మహిళలకు స్పెషల్ అకౌంట్ సర్వీసులను అందిస్తోంది.

మహిళలు ఈ స్పెషల్ అకౌంట్ ను ఓపెన్ చేయడం ద్వారా సాధారణంగా బ్యాంకుల నుంచి పొందే ప్రయోజనాలతో పోల్చి చూస్తే ఎక్కువ ప్రయోజనాలను పొందే అవకాశం ఉంటుంది. సాధారణంగా బ్యాంకులు ఇచ్చే వడ్డీరేటుతో పోల్చి చూస్తే ఈ అకౌంట్ ను ఒపెన్ చేయడం ద్వారా ఎక్కువ వడ్డీ పొందే అవకాశం కూడా ఉంటుంది. ఈక్విటస్ స్మాల్ ఫైనాన్స్ బ్యాంక్ ప్రస్తుతం ఇవా అకౌంట్లు ఓపెన్ చేసిన మహిళలకు ఏకంగా 7 శాతం వడ్డీని అందిస్తోంది.

మహిళలు ఎవరైతే ఇవా బ్యాంక్ ఖాతాను ఓపెన్ చేస్తారో వాళ్లకు ఉచితంగా హెల్త్ చెకప్, ఏవైనా ఆరోగ్య సమస్యలు ఉంటే ఆ సమస్యల పరిష్కారం కోసం మహిళా డాక్టర్లతో మాట్లాడే అవకాశం సైతం ఉంటుంది. మహిళలు ఈ అకౌంట్ ను ఓపెన్ చేస్తే మెయింటెనెన్స్ చార్జీలను సైతం చెల్లించాల్సిన అవసరం ఉండదు. ఈ బ్యాంక్ అకౌంట్ ఉన్న మహిళలు గోల్డ్ లోన్ తీసుకుంటే తక్కువ వడ్డీకే రుణాలను పొందే ఛాన్స్ ఉంటుంది.

మహిళలు ఎవరైనా సమీపంలోని ఈక్విటస్ స్మాల్ ఫైనాన్స్ బ్యాంకుకు వెళ్లి సులభంగా ఈ బ్యాంక్ అకౌంట్ ను తెరవవచ్చు. ఈక్విటస్ స్మాల్ ఫైనాన్స్ బ్యాంకు డెబిట్ కార్డ్ ద్వారా షాపింగ్ చేస్తే రివార్డ్ పాయింట్లను పొందే అవాకాశం ఉండటంతో పాటు ఈ బ్యాంక్ ఖాతా ఉన్న మహిళలకు లాకర్లపై 25 నుంచి 50 శాతం చార్జీల తగ్గింపు ఉంటుంది.