వివాహేతర సంబంధం.. భర్తను బంధువులు, కొడుకుల సహాయంతో హత్య చేసిన భార్య

పెళ్ళిళ్ళు స్వర్గంలో నిర్ణయించబడతాయి అంటారు. కానీ పెళ్ళిలో ముఖ్యమైన శారీరక బంధం, భూమిపైనే సాధ్యం.. లైంగిక బంధం సరిగాలేని జంటల్లోని మగవారు లేదా ఆడవాళ్లు తోడును వదిలి వేరొకరితో అక్రమ సంబంధాలను కొనసాగిస్తుంటారు. కానీ ఇలా డబ్బు కోసం కూడా పరాయి వాళ్ల మోజులో పడి వెళ్తుంటారు. ఇలా వెల్లి తనను నమ్ముకున్న వాళ్లను నట్టేట ముంచుతారు. ఇలాంటి ఘటనలకు పాల్పడి జీవితాలను ప్రశ్నార్థకంగా మారుస్తున్నారు.

అలాంటి ఘటనే ఒకటి కర్ణాటకలో చోటుచేసుకుంది. పక్కింటి మహిళ మోజులో పడిపోయి తన భార్యను, పిల్లలను పట్టించుకోకుండా తనకున్న ఆస్తులను అమ్మి.. అతడు మోజుపడ్డ మహిళకు ఇచ్చేశాడు. ఇంట్లో భార్య, పిల్లలు ఎంత చెప్పినా వినలేదు. దీంతో ఓ రోజు అతడిని కుటుంబసభ్యులే చంపేశారు. వివరాల్లోకి వెళ్తే.. కర్ణాటకలోని శివమొగ్గ జిల్లా అచాపుర గ్రామానికి చెందిన వినోద్, బిను భార్యాభర్తలు. వీరికి ఇద్దరు కొడుకులు.

ఇలా హాయిగా సాగుతున్న వీరి కాపురంలో ఓ మహిళ అతడికి పరిచయం కావడం పెద్ద చిచ్చు పెట్టినట్లు అయింది. ఆమెతో పరిచయం.. కాస్త వివాహేతర సంబంధానికి దారి తీసింది. అంతేకాదు తన ఆస్తులను అమ్మిమరి సదరు మహిళకు డబ్బులివ్వడం ప్రారంభించాడు. ఈ విషయం గురించి వాళ్ల ఇంట్లో ఎప్పుడూ గొడవలు జరుగుతూ ఉండేవి. ఎంత చెప్పినా వినోద్ లో మార్పు రావడంలేదని ఆమె తన ఇద్దరు కొడుకులు, మరో ఇద్దరి బంధువులతో కలిసి వినోద్ హత్యకు భార్య ప్రణాళికలు రచించింది.

అతడు ఇంట్లో నిద్రిస్తున్న సమయంలో ఓ ఇనుపతీగను తీసుకొని గొంతకు బిగించి అటు ఇద్దరు.. ఇటు ఇద్దరు పట్టుకొని గట్టిగా లాగారు. దీంతో అతడు అక్కడిక్కడే చనిపోయాడు. ఇక ఆ శవాన్ని కారులో తీసుకెళ్లి అడవిలో కారుతో సహా తగల బెట్టారు. తర్వాత అది ఆత్మహత్యగా చిత్రీకరించారు. పోలీసులకు అనుమానం రావడంతో మొత్తం బయటకు వచ్చింది. వారిపై పోలీసులు కేసు నమోదు చేశారు.