Ram Potheneni: టాలీవుడ్ ఇండస్ట్రీలో పెళ్లి కానీ హీరోల విషయం గురించి మాట్లాడితే ముందుగా ప్రభాస్ అందరికీ గుర్తుకు వస్తారు. ప్రభాస్ కన్నా ఇండస్ట్రీలోకి ఆలస్యంగా వచ్చిన ఎంతో మంది హీరోలు పెళ్లి చేసుకుని వైవాహిక జీవితంలో స్థిరపడ్డారు.ఇకపోతే ప్రభాస్ తో పాటు మరి కొంత మంది హీరోలు ఇప్పటికీ పెళ్లి చేసుకోకుండా పలు సినిమాల్లో నటిస్తూ బిజీగా ఉన్నారు. అలాంటి వారిలో ఎనర్జిటిక్ స్టార్ రామ్ ఒకరు.
దేవదాసు సినిమాతో ఇండస్ట్రీలోకి అడుగుపెట్టిన రామ్ మొదటి సినిమాతోనే ఎంతో మంచి విజయాన్ని అందుకున్నారు. ఇక ఈ సినిమా మంచి విజయం కావడంతో తర్వాత పలు సినిమా అవకాశాలను అందుకొని ఇండస్ట్రీలో బిజీగా మారారు. ఇక ప్రస్తుతం ఈయన లింగుస్వామి దర్శకత్వంలో తెరకెక్కుతున్న ది వారియర్ సినిమాలో నటిస్తున్నారు. ఈ సినిమా త్వరలోనే విడుదలకు సిద్ధమవుతోంది. ఇకపోతే ప్రస్తుతం ఈయన బోయపాటి శీను దర్శకత్వంలో మరో సినిమాకు గ్రీన్ సిగ్నల్ ఇచ్చారు.
ఇదిలా ఉండగా తాజాగా రామ్ పెళ్లి గురించి ఓ వార్త సోషల్ మీడియాలో వైరల్ అవుతోంది. రామ్ త్వరలోనే పెళ్లి చేసుకోబోతున్నారని తనకు పెళ్లి ఫిక్స్ అయినట్లు వార్తలు పెద్దఎత్తున చక్కర్లు కొడుతున్నాయి. రామ్ తన స్కూల్ మేట్ ను ప్రేమించి తనని పెళ్లి చేసుకోబోతున్నారని తెలుస్తోంది. వీరి ప్రేమకు రెండు కుటుంబాలు గ్రీన్సిగ్నల్ ఇవ్వడంతో ఆగస్టు నెలలో వీరిద్దరూ నిశ్చితార్థం జరుపుకునే అవకాశాలు ఉన్నాయని తెలుస్తోంది.
శ్రావణ మాసంలో నిశ్చితార్థం…
నిశ్చితార్థం అనంతరం వీరిద్దరిని పేర్లపై మంచి ముహూర్తం చూసి నవంబర్ నెలలో పెళ్లి చేసుకోవాలనే ఆలోచనలో ఉన్నట్లు వార్తలు వస్తున్నాయి. మరి ఈ వార్తలో ఎంతవరకు నిజం ఉందో తెలియదు కానీ ప్రస్తుతం ఈ వార్త సోషల్ మీడియాలో వైరల్ అవుతుంది. అయితే త్వరలోనే పెళ్లి గురించి అధికారిక ప్రకటన కూడా వెలువడే అవకాశాలు ఉన్నాయి. ఆగస్టులో నిశ్చితార్థం జరుపుకున్న బోయపాటి సినిమా పూర్తి అయిన తర్వాత పెళ్లి చేసుకునే అవకాశాలు ఉన్నట్టు తెలుస్తోంది.