Gopichand: 9 ఏళ్ళకే నాన్నను కోల్పోయాను… చిన్నప్పుడు జీవితం ఎంతో నేర్పించింది.. తండ్రిని తలచుకొని ఎమోషనల్ అయిన గోపీచంద్?

Gopichand: టాలీవుడ్ టాల్ హీరో గోపీచంద్ గురించి ప్రత్యేకంగా పరిచయం అవసరం లేదు.ప్రముఖ డైరెక్టర్ టి.కృష్ణ కుమారుడుగా ఈయన తొలివలపు సినిమాతో ఇండస్ట్రీలోకి అడుగుపెట్టారు.ఈ సినిమాతో మంచి విజయాన్ని అందుకున్న గోపీచంద్ అనంతరం పలు సినిమాల్లో నటిస్తూ బిజీగా ఉన్నారు. ఇకపోతే గత కొంతకాలంగా ఈయన నటించిన సినిమాలన్నీ కూడా బాక్సాఫీస్ వద్ద చేదు అనుభవాలను ఎదుర్కొన్నాయి.

ఈ క్రమంలోనే సిటీ మార్ చిత్రంతో మంచి విజయాన్ని తన ఖాతాలో వేసుకున్న గోపీచంద్ తాజాగా పక్క కమర్షియల్ చిత్రం ద్వారా ప్రేక్షకుల ముందుకు రాబోతున్నారు. విడుదల తేది దగ్గర పడటంతో చిత్రబృందం పెద్దఎత్తున ప్రమోషన్ కార్యక్రమాలను నిర్వహిస్తున్నారు.ఈ ప్రమోషన్ కార్యక్రమాల్లో భాగంగా గత కొద్ది రోజుల క్రితం జబర్దస్త్ కార్యక్రమంలో సందడి చేసిన చిత్రబృందం తాజాగా సుమ క్యాష్ కార్యక్రమంలో సందడి చేశారు.

ఈ క్రమంలోనే నటుడు గోపీచంద్ తో పాటు డైరెక్టర్ మారుతి,బన్నీవాసు, శ్రీనివాస కుమార్ ఈ కార్యక్రమంలో పాల్గొని పెద్ద ఎత్తున సందడి చేశారు. ఇక సుమ వీరందరికీ గిఫ్ట్ ఇస్తూ వారిచేత డబ్బులు తీసుకుంటుండగా గోపీచంద్ గిఫ్ట్ అని డబ్బులు అడుగుతున్నారు ఏంటి అంటూ తన పై పంచ్ వేసాడు. ఇలా అందరితో కలిసి సరదాగా ఈ కార్యక్రమం కొనసాగిందని తెలుస్తోంది.

చిన్నప్పుడు ఏం కోల్పోయానో ఇప్పుడు తెలుస్తుంది…

ఈ కార్యక్రమం చివర్లో గోపీచంద్ ఫాదర్ ఫోటోని స్క్రీన్ పై వేశారు. తన తండ్రి ఫోటోని చూసిన గోపీచంద్ కాస్త ఎమోషనల్ అయ్యారు. తొమ్మిది సంవత్సరాల వయస్సులోనే తన తండ్రిని కోల్పోయానని చిన్నతనంలోనే జీవితం ఎన్నో పాఠాలు నేర్పింది అంటూ తెలిపారు. నేను చిన్నప్పుడు ఏం కోల్పోయానో నాకు ఇప్పుడు తెలిసొస్తుంది అంటూ గోపీచంద్ ఎమోషనల్ అయ్యారు. ప్రస్తుతం ఈ కార్యక్రమానికి సంబంధించిన ప్రోమో సోషల్ మీడియాలో వైరల్ అయ్యింది.