Jabardasth Apparao : వాడుకుని వదిలేసారు… జబర్దస్త్ కోసం సినిమాలు కూడా వదులుకున్నా… వారికే ఎక్కువ పేమెంట్…!

Jabardasth Apparao : జబర్దస్త్ వేదిక ఎంతోమంది కళాకారులకు జీవితాన్ని ఇస్తోంది. ఇప్పటికీ ఎంతోమంది కొత్తవాళ్లకు అవకాశాన్ని ఇస్తోంది. ఈ షోలో ఒక్కసారి పాల్గొంటే జీవితం మారిపోతుంది, కెరీర్ పీక్స్ కి వెళ్ళిపోతుంది అని చాలా మంది ఆర్టిస్టులు భావిస్తారు. అందుకే సాధారణ వ్యక్తులే కాకుండా అప్పుడప్పుడు సెలబ్రిటీలు కూడా ఈ షోలో స్కిట్స్ లో నటించి సందడి చేస్తుంటారు.

వాడుకుని వదిలేస్తారు…

ఇక జబర్దస్త్ లో మనకు కనిపించేది స్కిట్లు నవ్వులు మాత్రమే, అందుకోసం కష్ట పడుతున్న ఆర్టిస్టుల సంగతి మనకు పెద్దగా తెలియదు. అయితే జబర్దస్త్ వల్ల చాలా మంది లైఫ్ సెటిల్ అవ్వడం మాత్రం నిజం. జబర్దస్త్ లో ఉన్నంత వరకు వారి జీవితం వైభవంగా ఉన్నా ఒక్కసారిగా జబర్దస్త్ వీడాక చాలా మంది ఇబ్బందులు పడుతున్నారు. ఇక సినిమా అవకాశాలతో కొంతమంది పర్వాలేదనిపించినా మరికొంత మంది మాత్రం ఇబ్బందులు ఎదుర్కొంటున్నారు. అలాంటి వారిలో అప్పారావు గారు ఒకరు. జబర్దస్త్ లో చాలా మంచి స్కిట్లను చేసి పేరు తెచ్చుకున్న అప్పారావు కొన్నాళ్ళకు ఏకంగా టీం లీడర్ కూడా అయ్యారు. ఒక స్కిట్ చేస్తే ఆయనకు ఉన్న డిమాండ్ బట్టి పదివేల రూపాయల పారితోషకం వచ్చేదని అయితే ఏ నాడూ రెమ్యూనరేషన్ కోసం డిమాండ్ చేయలేదని జబర్దస్త్ జీవితాన్ని ఇచ్చింది, అందుకే ఆ షో కోసం చాలా సార్లు సినిమా అవకాశాలను కూడా వదులుకున్నానని తెలిపారు. కానీ సీనియర్లకు గౌరవం ఇవ్వడం లేదని అవసరం తీరాక జబర్దస్త్ వాళ్లను వదిలేస్తుందని అప్పారావు కామెంట్స్ చేసారు.

షోలో ఏ స్కిట్ కి ఎంత రేటింగ్ వస్తుందో దాన్ని బట్టే ఆ టీం కి రెమ్యూనరేషన్ ఇస్తారని చమ్మక్ చంద్ర ఉన్నపుడు తనకు ఎక్కువ పేమెంట్ వచ్చేదని ఆ తరువాత సుధీర్ టీం కి, ఆది టీం కి ఎక్కువ రెమ్యూనరేషన్ ఉందని చెప్పారు. ఇక స్కిట్స్ విన్ అయితే వచ్చే డబ్బులను టీం లీడర్ తీసుకుంటాడని టీం లో వాళ్లలకు చాలా మంది పంచరని వారికి స్కిట్స్ కు ముందు ఎంత ఇస్తామంటారో అంతే పేమెంట్ ఉంటుందని చెప్పారు. అయితే మల్లెమాల లో పేమెంట్స్ పెరగడమే కానీ తగ్గడం చాలా తక్కువ అని చెప్పారు.