Tadipatri: తాడిపత్రిని వదిలి హైదరాబాద్ వెళ్ళిపోయిన జేసీ దివాకర్ రెడ్డి.. గొడవలే కారణమా?

Tadipatri: తాడిపత్రి కేరాఫ్ జేసీ బ్రదర్స్ అనే విధంగా ఇన్ని రోజులు ఉండేది. అక్కడ వారు చెప్పిన మాటే శాసనం అయితే గత ఐదు సంవత్సరాలుగా వీరి మాటకు విలువ లేకుండా పోయింది. జగన్ ప్రభుత్వం అధికారంలోకి వచ్చిన తర్వాత జేసీ బ్రదర్స్ అరాచకాలు పూర్తిగా తగ్గిపోయాయి. అయితే గత ఎన్నికలలో భాగంగా జేసీ వర్గీయులు అలాగే పెద్దారెడ్డి వర్గీయుల మద్యం పెద్ద ఎత్తున గొడవలు చోటు చేసుకున్న సంగతి తెలిసిందే.

ఈ గొడవలలో భాగంగా ఇరువురి అనుచరులు రాళ్లదాడి బాంబుల దాడి చేసుకున్నారు అయితే ఈ గొడవలను సర్దుమనగడం కోసం పోలీసులు దివాకర్ రెడ్డి ఇంట్లో పని చేస్తున్నటువంటి పని వాళ్ళను కూడా అరెస్టు చేశారు అయితే దివాకర్ రెడ్డి భార్యతో పాటు తన అక్క కూడా అనారోగ్య సమస్యలతో బాధపడుతూ మంచంపై ఉన్నారు కనీసం వారికి తిండి పెట్టి మందులు ఇచ్చేవారు కూడా లేకపోవడంతో జెసి పవన్ రంగంలోకి దిగారు.

ఈ క్రమంలోనే పోలీసులతో ఆయన మాట్లాడి వారి ఇంట్లో పని చేసే వారిని విడిపించాలని కోరారు. అది కుదరదని పోలీసులు చెప్పారు మీరు కూడా బయటకు రాకూడదని ఒకవేళ తిరిగితే చర్యలు తీసుకోక తప్పదని పోలీసులు హెచ్చరించడంతో చేసేదేమీ లేక జెసి దివాకర్ రెడ్డి కుటుంబ సభ్యుల మొత్తం తాడిపత్రి వదిలి హైదరాబాద్ వెళ్ళిపోయారు.

144 సెక్షన్ అమలు…

ఇలా తాడిపత్రిలో చోటు చేసుకున్నటువంటి గొడవల కారణంగానే వీరు చివరికి తాడిపత్రి వదిలి వెళ్లాల్సిన పరిస్థితులు ఎదురయ్యాయి. ఇకపోతే జేసీ దివాకర్ రెడ్డి వర్గీయులు మాత్రం తాడిపత్రిలో పూర్తిగా రెచ్చిపోయి దాడులకు పాల్పడటంతో తాడిపత్రి పట్టణం మొత్తం 144 సెక్షన్ అమలు చేశారు.