Keerthy Suresh: బ్యూటీ విత్ బ్రెయిన్ అంటూ కీర్తి సురేష్ పై ప్రశంసలు కురిపించిన కమల్ హాసన్?

Keerthy Suresh: నటిగా తెలుగు తమిళ భాషలలో వరుస సినిమాలలో నటిస్తూ ఎంతో బిజీగా ఉన్నటువంటి వారిలో కీర్తి సురేష్ ఒకరు.తమిళ ఇండస్ట్రీ నుంచి హీరోయిన్ గా పరిచయమైనటువంటి ఈమె అనంతరం తెలుగు తమిళ భాషలలో వరుస సినిమాలలో నటిస్తున్నారు. ఇక మహానటి సినిమాతో ఏకంగా ఉత్తమ జాతీయ నటిగా అవార్డు కూడా అందుకున్నారు.

ఇలా ఎన్నో విభిన్న కథ చిత్రాలలోనూ లేడీ ఓరియంటెడ్ సినిమాలలోనూ నటిస్తూ ఎంతో మంచి గుర్తింపు సంపాదించుకున్న కీర్తి సురేష్ తాజాగా నాని హీరోగా నటించిన దసరా సినిమా ద్వారా ప్రేక్షకుల ముందుకు వచ్చారు. ఈ సినిమాలో వెన్నెల పాత్రలో కీర్తి సురేష్ ఎంతో అద్భుతంగా నటించారని చెప్పాలి. ఇకపోతే తాజాగా ఈమె తమిళంలో ఉదయనిది స్టాలిన్ తో కలిసి నటించిన మామన్నన్ సినిమాలో నటించారు.

ఈ సినిమా త్వరలోనే విడుదల కానున్న నేపథ్యంలో చెన్నైలో ఫ్రీ రిలీజ్ వేడుకను చాలా ఘనంగా నిర్వహించారు. ఈ కార్యక్రమానికి లెజెండరీ యాక్టర్ కమల్ హాసన్ ముఖ్య అతిథిగా హాజరయ్యారు. ఈ కార్యక్రమంలో భాగంగా ఈయన కీర్తి సురేష్ పై ప్రశంసలు వర్షం కురిపించారు.పొలిటికల్ త్రిల్లర్ సినిమాగా రాబోతున్న ఈ సినిమా సక్సెస్ కావాలని ఈయన కోరుకున్నారు. అదేవిధంగా ఈ సినిమాలో కీర్తి సురేష్ నటించడానికి ఒప్పుకోవడం నిజంగా గ్రేట్ అంటూ ఆమె గురించి ప్రశంసలు కురిపించారు.

Keerthy Suresh: కీర్తి గొప్ప నటి…

అదేవిధంగా కీర్తి సురేష్ గురించి కమల్ హాసన్ మాట్లాడుతూ కీర్తి గొప్ప నటి. ఆమె బ్యూటీ విత్ బ్రెయిన్ అంటూ కితాబిచ్చారు.ఇలా కమల్ హాసన్ వంటి ఒక గొప్ప నటుడు కీర్తి సురేష్ పై ప్రశంసలు కురిపించడంతో కీర్తి సురేష్ అభిమానులు ఎంతో సంతోషం వ్యక్తం చేస్తున్నారు. ఇక ఈమె తెలుగులో మెగాస్టార్ చిరంజీవి నటిస్తున్న భోళా శంకర్ సినిమాలో చిరంజీవికి చెల్లెలు పాత్రలో నటిస్తున్న విషయం మనకు తెలిసిందే.