Kirak Rp: పవన్ కళ్యాణ్ కోసం వేల మందిని బీహార్ నుంచి దింపారు.. ఆర్పీ సంచలన వ్యాఖ్యలు!

Kirak Rp: జబర్దస్త్ కమెడియన్ గా కొనసాగుతూ ఎంతో మంచి గుర్తింపు సంపాదించుకున్న వారిలో కిరాక్ ఆర్పీ ఒకరు. ఈయన జబర్దస్త్ కార్యక్రమంలో తన కామెడీ డైలాగుల ద్వారా ప్రేక్షకులను మెప్పించారు అయితే మల్లెమాల వారితో ఈయనకి వచ్చిన మనస్పర్ధలు కారణంగా ఈ కార్యక్రమం నుంచి దూరంగా వచ్చి మల్లెమాల వారి పై తీవ్ర స్థాయిలో విమర్శలు చేసిన సంగతి తెలిసిందే.

ఇక ఈ కార్యక్రమం నుంచి తప్పుకున్న తర్వాత నెల్లూరు పెద్దారెడ్డి చేపల పులుసు రెస్టారెంట్ ద్వారా ఎంతో మంచి సక్సెస్ అందుకున్నారు. అయితే ఇటీవల కాలంలో ఈయన రాజకీయపరంగా చేస్తున్న వ్యాఖ్యలు తీవ్రదుమారం రేపుతున్నాయి. కూటమికి మద్దతు తెలియజేస్తూనే మాజీ సీఎం జగన్మోహన్ రెడ్డి పట్ల చేస్తే వ్యాఖ్యలు సంచలనాలకు కారణమవుతున్న ఇటీవల వినుకొండ హత్య కేసులో భాగంగా ఇటీవల ఆర్పీ మీడియా సమావేశంలో మాట్లాడుతూ చేసిన వ్యాఖ్యలు వైరల్ అవుతున్నాయి.

ఈ సందర్భంగా ఆర్పీ మాట్లాడుతూ వినకొండలో జరిగిన హత్యలో భాగంగా చనిపోయిన రషీద్ చంపబడిన జిలాని ఇద్దరు కూడా ముస్లిం మైనారిటీస్ అని తెలిపారు. వారిద్దరికీ పాత కక్షలు ఉన్నాయని వారిద్దరూ వైసీపీకి చెందిన వాళ్లేనని ఆర్పీ తెలిపారు. ఇలా ఇద్దరు వైసిపికి చెందినవారు కాకపోతే ఏదో ఫోటోలు కాస్త బయటకు రావడంతో టీడీపీకి చెందిన వ్యక్తి జిలాని అని ఆయన పై ఆరోపణలు చేస్తున్నారని తెలిపారు.

పవన్ పై దాడి..
అంతేకాకుండా జగన్మోహన్ రెడ్డి ఆంధ్రప్రదేశ్లో రావణ కాష్టం చూడటం కోసం ప్రయత్నాలు చేస్తున్నారని అయితే పవన్ కళ్యాణ్ పై దాడి చేయించడానికి ఈయన వేల సంఖ్యలో మనుషులను బీహార్ నుంచి తెప్పించారని కిరాక్ ఆర్పీ చేసిన వ్యాఖ్యలు సంచలనంగా మారాయి. ఇలా ఆర్పీ చేసిన ఈ వ్యాఖ్యలపై పలువురు తీవ్రస్థాయిలో విమర్శలు కురిపిస్తున్నారు.